सिद्धार्थ मावि ले मनायो४३ औँ बार्षिक उत्सव   

८माघ, हेटौँडा । हेटौँडा २ मा रहेको सिद्धार्थ माध्यमिक विद्यालयले मंगलबार आनो ४३ औँ बार्षिक उत्सव तथा पुरस्कार वितरण कार्यक्रम सम्पन्न गरेको छ  ।  
शिक्षा विकास तथा समन्वय ईकाई मकवानपुरका प्रमुख कृष्ण प्रसाद घिमिरेको प्रमुख आतिथ्यतामा भएको कार्यक्रममा विद्यालयका प्रधानाध्यापक मोहन प्रसाद शर्माले विद्यालयको प्रगति विवरण प्रस्तुत गरेका थिए । 
विद्यालय व्यवस्थापन समितिका अध्यक्ष मधु बजगाईको सभाध्यक्षतामा भएको कार्यक्रममा स्रोत व्यक्ति किरण कुमार आचार्य, विद्यालय व्यवस्थापन समितिका सदस्यहरु महेश्वर मान श्रेष्ठ, नारायण प्रसाद लम्साल, विद्यालयका पुर्व प्रधानाध्यापक गोकुललाल श्रेष्ठ, लक्ष्मी भक्त घिसिङ् विद्यालयका अक्षयकोषदाता डा. गणेश पौडेल, विद्यालयका सहायक प्रधानाध्यापक सागर प्रसाद खतिवडा, राम शरण अधिकारी, दश जोड दुई संयोजक गणेश प्रसाद हुमागाई लगायत शिक्षक अभिभावकहरुको सहभागिता रहेको थियो । 
कार्यक्रममा २०७४ शालको बार्षिक परिक्षामा प्रथम,द्धितिय र तृतिय भएका र विद्यालयले संचालन गरेका अतिरिक्त क्रियाकलापमा उत्कृष्ट हुने विद्यार्थीहरुलाई पुरस्कृत गरिएको थियो । कक्षा ८ र ९ अंग्रेजी माध्यममा अध्ययन गर्ने विद्यार्थीहरुले नृत्य प्रस्तुत गरेका थिए भने कक्षा ५मा अध्ययनरत विद्यार्थीहरुले  बनाएका ढिकी, जातो लगायतका परम्रागत सामग्रीहरुको प्रर्दशन गरिएको थियो । 
त्यसैगरी विद्यालयका पुर्व प्रधानाध्यापक लक्ष्मी भक्त घिसिङ्ले जेहन्दार विद्यार्थीको सहयोगार्थ रु ५० हजारको अक्षयकोष स्थापना गरेका छन । २०३२ सालमा स्थापना भएको विद्यालयले हरेक बर्ष माघ ८ गते बार्षिक उत्सव मनाउने गर्दछ ।