कला संस्कृती धर्मको संरक्षण गरिनु पर्छः बानिया    

फोटोःमकवानपुर काग्रेस सुचना संयोजक सुजन विडारी

२२माघ, हेटौँडा । कांग्रेस मकवानपुर सभापति एवं  प्रदेश ३ कांग्रेस संसदीय दलका नेता ईन्द्रबहादुर बानियाँले कला,संस्कृती धर्म को संरक्षण गरिनु पर्ने कुरामा जोड दिएका छन । मंगलबार मकवानपुरको उत्तरी क्षेत्र कैलाश गाउँपालिका ६ गल्छीमा २८५५ औ सोनाम ल्होछारको अवसरमामा आयोजित बुद्ध शान्ति पूजाको समापन तथा बुद्धको मुर्ति स्थापना कार्यक्रमलाई सम्बोधन गर्दे यसो बताएका हुन । 
नेता बानियाँले  कार्यक्रममा अहिलेको दुई तिहाईको सरकारले धर्म र चाडपर्व माथि कुठाराघात गरेको बताएका छन। उनले अफु संस्कृती मन्त्री हुदा मठ मन्दिर, गुम्बा स्थापना गर्न सहयोग गरेको र सहयोग गर्न पछि नहटने बताउदै धर्म कला संस्कृतीको रक्षा गर्नु पर्ने कुरामा जोड दिए ।  कार्यक्रममा बुद्ध शान्ति पूजा समापन तथा बुद्ध मुर्ति स्थापनाका लागि नेता बानियाँले एकलाख रुपियाँ सहयोग गरेका छन् ।
 नेपाल अहिंसावादी बुद्ध धर्म विश्वशान्ति चक्र संघ मकवानपुरका अध्यक्ष धनबहादुर गोलेको सभाध्यक्षता  भएको कार्यक्रममा अहिंसावादी चक्र संघका केन्द्रीय महासचिव प्रेम दोर्जे बल लामा, नेपाली कांग्रेस मकवानपुरका सचिव बुद्ध लामा, सल्लाहकारद्वय भरत पराजुली र प्रभात दाहाल,कांग्रेस४ नम्बर क्षेत्रीय सभापति लोकबहादुर मुक्तान, जिल्ला सदस्यहरु बलिन्द्र भ्लोन, ज्ञानबहादुर डिमडुङ, रत्नबहादुर गोले, हेटौंडा नगर सभापति आनन्दराम पराजुली, तरुण दल ४ नम्बर क्षेत्रीय उपसभापति नुरोज पौडेल, मूल संयोजक बेलबहादुर मुक्तान, कैलाश ६ नम्बर वडाअध्यक्ष ठूलोकान्छा लामा, समाजसेवी पेमा सांगे लामा लगायतले मन्तव्य व्यक्त गरेका थिए ।