रिलायन्सको पुरस्कार वितरण

२फागुन, हेटौँडा । हेटौँडा ५ सानोपोखरामा रहेको रिलायन्स इङ्गलिस सेकेन्डरी बोर्डीङ स्कुलले आयोजना गरेको आन्तरिक खेलकुद गतिविधिमा विजयी भएका विद्यार्थीहरुलाई पुरस्कार वितरण गरेको छ । विद्यालयले माघ २५ देखी फागुन १ गते सम्म आयोजना गरेका विभिन्न खेलकुद गतिविधिहरुमा विजयी भएका विद्यार्थीहरुलाई पुरस्कार वितरण गरेको हो ।

विहिबार गरिएको पुरस्कार वितरण कार्यक्रममा कक्षा नर्सरी देखी कक्षा तीन सम्मका विद्यार्थीहरुलाई पुरस्कृत गरिएको अतिरिक्त क्रियाकलाप संयोजक सुजिता श्रेष्ठले जानकारी दिइन । विद्यालयले अतिरिक्त क्रियाकलाप कार्यक्रम अन्तर्गत फाइन्ड द पार्टनर, हट बल, चक्लेट रेस, म्याथ रेस, बास्केट द बल लगाएतका प्रतियोगिता सञ्चालन गरेको थियो । विधार्थीहरुलाई सानै देखी अनुसाशित बनाउँनुका साथै विभिन्न गतिविधिमा प्रतिस्पर्धा गर्ने बानिको विकास गर्ने उदेश्यले प्रतियोगिताका आयोजना गरिएको संयोजक श्रेष्ठले जानकारी बताईन । विद्यालयले आफनो बार्षिक कार्यक्रम अन्तर्गत फागुन ४ गते शनिवार आयोजना गर्ने अभिभावक दिवसको पुर्वसन्ध्यामा खेलकुद तथा विविध गतिविधिको आयोजना गरेको हो । विद्यायलये फागुन ४ गते अभिभावक दिवसको अवसरमा जिल्लामा रही शैक्षिक क्षेत्रमा योगदान पु¥याउनु भएका दुइजना अग्रज व्यक्तित्वलाई सम्मान गर्नुका साथै जिल्लाको शैक्षिक क्षेत्रका गतिविधिलाई पत्रकारीताका माध्यमबाट सहयोग पु¥याउँने दुईजना पत्रकारलाई विष्णु तौजले शिक्षा पत्रकारीता पुरस्कारबाट पुरस्कृत गर्न लागिएको विद्यालयका संस्थापक प्राचार्य केशबलाल श्रेष्ठ तौजलेले जानकारी दिए ।