उधमशिल बनाउन प्रस्ताब लेखन प्रतियोगिता 

१४ फागुन ,हेटौंडा ।  युवा प्रतिभा पहिचान कार्यक्रम अन्र्तगत सञ्चालित उद्यम परियोजना प्रस्ताव लेखन प्रतियोगिता—२०७५ सम्पन्न भएको छ । हेटौंडा उपमहानगरपालिका र जिल्ला युवा समिति मकवानपुरको सहकार्यमा भएको कार्यक्रम मंगलबार सम्पन्न भएको हो । जिल्ला युवा समितिका अध्यक्ष सन्तोष चौलागाईको सभाध्यक्षतामा तथा हेटौंडा उपमहानगरपालिकाकी उपप्रमुख मिना लामाको प्रमुख आतिथ्यतामा भएको कार्यक्रममा १० जना युवाहरुले सहभागिता जनाएका थिए । 
 प्रतियोगितमा प्रथम हुनेमा शुष्मा घिमिरे, द्धितिय हुनेमा मिलि घिमिरे  र तृतिया हुनेमा मधुसुदन अधिकारी रहेका छन । मकवानपुरको युवाको प्रतिभा खोजिको लागि र उनिहरुको कार्यलाई प्रोत्साहन गर्न कार्यक्रमको आयोजना गरिएको समितिका अध्यक्ष सन्तोष चौलागाईले जानकारी गराए । 
 नेपालका अधिकांश युवाहरु आज आफ्नो जीवनको ऊर्जाशील समय विदेशी भूमिमा बिताउन बाध्य छन् । नेपालभित्र रहेका युवाहरुमा केही पढेलेखेका र सचेत युवा एनजीओ आईएनजीओ तथा विभिन्न निज काममा संलग्न छन् भने अधिकांश युवा गुजारामुखी कृषि पेसामा संलग्न रहेका छन। 
 उद्यमशीलताको बाटोमा अघि बढन सकिन्छ भन्ने उदेश्यले  यस कार्यक्रमको आयोजना गरिएको अध्यक्ष चौलागाईले बताए।