छुटको माग राख्दै प्रजिअलाई ध्यानाकर्षण पत्र

प्रजिअ तामाङ्लाई ध्यानाकर्षण पत्र बुझाउदै विद्यार्थीहरु संगठनहरुका प्रतिनिधिहरु

२३ फागुन, हेटौँडा । मकवानपुरमा क्रियाशिल विद्यार्थीहरु संगठनहरुले मकवानपुरमा चल्ने सार्वजनिक यातायातले विद्यार्थीहरुलाई छुट नदिएको भन्दै नियम अनुसारको छुट कार्यान्वयनको गर्न माग गर्दै प्रशासनको ध्यानाकर्षण गराएका छन् । 
मकवानपुरका विभिन्न दल निकट विद्यार्थी संगठनहरुले संयुक्त रुपमा जिल्ला प्रशासन कार्यालय पुगेर भाडा छुटको सम्बन्धमा मकवानपुरका प्रमुख जिल्ला अधिकारी अस्मान तामाङलाई ध्यानाकर्षण पत्र बुझाएका हुन् ।

पटक–पटक नारायणी यातायात व्यवसायी संघ, टेम्पो तथा मझौला यातायात व्यवसायी संघ लगायत अन्य यातायात समितिलाई लिखित तथा मौखिक रुपमा पत्रनै दिएर ध्यानाकर्षण गराउँदा भाडामा छुट नदिएकोले र छुटका लागि पहल गर्ने सम्बन्धित निकाय मौन रहेकोले प्रमुख जिल्ला अधिकारी समक्ष पुग्नु परेको  ध्यानाकर्षण पत्र हस्तान्तरण कार्यक्रमा सहभागि एक विद्यार्थी नेताले बताएका छन ।  
परिचयपत्रको आधारमा नियमअनुसारको छुट हुनुपर्ने, मकवानपुर साझा बसमा ४५ प्रतिशत छुट पाउनु पर्ने, टेम्पो तथा मझौला यातायात व्यवसायीद्धारा संचालित यातायातमा  नियमअनुसार छुट हुनुपर्ने ध्यानाकर्षण पत्रमा जनाईएको छ । विद्यार्थी संगठनहरुले मागलाई नबुझे र  सुनुवाई नभए आन्दोलनमा गर्ने चेतावनी पनि दिएका छन् ।