पुलिसलाई हराउदैँ मकवानपुर ११ फाइनलमा प्रवेश

फोटोः सुनिल शिवाकोटी

१३ चैत, हेटौँडा । हेटौँडामा जारी दोस्रो भूगर्भ सिमेन्ट सहिद स्मृति राष्ट्रिय फुटबल प्रतियोगिताको बुधबार भएको नेपाल पुलिस क्लब र आयोजक मकवानपुर ११बिचको सेमिफाइनल खेलमा विभागिय टोलि नेपाल पुलिस क्लब एक का विरुद्ध सुन्य गोल अन्तरले पाखा लगाउदै आयोजक मकवानपुर ११ फाइनलमा प्रवेश गरेको छ । 
हेटौंडा–१० स्थित वनविज्ञान खेल मैदानमा जारी प्रतियोगितामा घरेलु मैदानको फाइदा उठाउदै पुलिसलाई  १का विरुद्ध सुन्य गोलअन्तरले पराजित गर्दै आयोजक मकवानपुर ११ले फाइनल भिडन्त तय गरेको हो।  मकवानपुरलाई जिताउन रेजिन सुव्वाले खेलको ७८ औं मिनेटमा सानदार गोल मार्फत पुलिसको पोष्टमा जाली चुमाएका थिए । सुब्बा आजको खेलको म्यान अफ दी म्याच घोषित भए । उनले नगद दशहजार रुपियाँ समेत प्राप्त गरेका छन ।
मकवानपुर ११का कप्तान तथा गोलरक्षक कप्तान अशोक बरालले पुलिसका खेलाडिको प्रहरालाई विफल बनाईदिएका थिए । आजको खेलमा नेपाल पुलिसका खेलाडिहरु मकवानपुर ११ को अगाडि  फिक्का सावित भएका देखिन्थ्थे ।
फाइनल भिडन्तका लागि आयोजक मकवानपुर ११ले भोलि बिहिबार  थ्रीस्टार क्लब र क्यामरुनी टोली दाफिन्सबीच हुने खेलको विजेतासँग प्रतिस्पर्धा गर्नेछ । मकवानपुर जिल्ला फुटबल संघको आयोजनामा जारी प्रतियोगिताको विजेताले नगद आठलाख रुपियाँ र उपविजेताले नगद चारलाख रुपियाँ प्राप्त गर्नेछन् । त्यसैगरी सर्वोत्कृष्ट खेलाडीलाई नगर ७५ हजार र उत्कृष्ट खेलाडी तथा प्रशिक्षकलाई जनही २०र २० हजार प्रदान गरिनेछ । प्रतियोगितामा १० टिमको सहभागिता रहेको छ  ।