पेनाल्टीको साहारामा मकवानपुर–११ लाई उपाधी

विजेता मकवानपुर–११

१६ चैत, हेटौँडा । पेनाल्टीको साहारामा मकवानपुर–११ ले हेटौँडामा भएको दोस्रो संस्करणको भूगर्भ सिमेन्ट सहिद स्मृति राष्ट्रिय फुटबल प्रतियोगिताको उपाधी हातपारेको छ । शनिबार फेरेष्ट्री खेल मैदानमा भएको फाइनल खेलमा पेनाल्टीको सहारामा मकवानपुर–११ २–१ गोल अन्तरले विजयी भएको हो । 
खेलको पाँचौ मिनेटमा यानिक ओनाले टिमको तर्फबाट खाता खोली डाफिन्सलाई अग्रता दिएपनि त्यो खुशी धेरैबेर टिक्न सकेन । खेलको ९ औं मिनेटमा पाएको पेनाल्टी मकवानपुरका योगेट गुरुङले सदुपयोग गर्दै खेललाई बराबरीमा ल्याएका थिए । खेलको अन्तिम समयसम्म दुबै टिमबाट जितका लागि संघर्ष भएपछि ८२ मिनेटमा पुनः मकवानपुरले पेनाल्टी पायो । योगेश गुरुङले पेनाल्टीको सदुपयोगमा दोस्रो गोल गर्दै टिमलाई उपाधी जिताउन सफल भए ।
खेलमा मकवानपुरका हिसुब थपलिया म्यान अफ दी म्याच घोषित भए । उनले नगद दशहजार रुपैँया प्राप्त गरे । आयोजक मकवानपुर–११ का कप्तान अशोक बराल सर्वोत्कृष्ट खेलाडी घोषित हुँदै नगद ७५ हजार रुपैँया प्राप्त गरे । बराल नै उत्कृष्ट गोलरक्षक घोषित भए । उनले नगद बिस हजार रुपैँया प्राप्त गरे । मकवानपुरका योगश गुरुङ उत्कृष्ट मिडफिल्डर, रेजिन सुब्बा उत्कृष्ट फरवार्ड, विजयलाल श्रेष्ठ उत्कृष्ट प्रशिक्षक घोषित भए । दाफिन्सका डिफेन्डर ओको बोटा उत्कृष्ट डिफेन्डर घोषित भए । उत्कृष्ट सवैले जनही नगद बिस÷बिस हजार रुपैँया प्राप्त गरे ।
प्रतियोगिताको विजेताले नगद आठलाख रुपैँया र उपविजेताले नगद चारलाख रुपैँया प्राप्त गर्नेछ । मकवानपुर जिल्ला फुटबल संघको आयोजनामा भएको प्रतियोगितामा दश टोलीको सहभागिता रहेको थियो ।