हावाहुरीमा मुत्यु हुनेलाई प्रदेश २ सरकारले ३ लाख दिने

१८ चैत, हेटौँडा । बारा र पर्सामा आईतबार साझ आएको हावाहुरीमा परी ज्यान गुमाएका परीवारलाई प्रदेश २ सरकारले ३ लाख दिने निर्णय गरेको छ ।प्रदेश नम्बर २ प्रदेश सरकारको सोमबार विहान ७ बजे बसेको मन्त्रिपरिषद् बैठकले हावाहरी परी ज्यान गुमाएका परिवारलाई तत्कालका लागि राहत स्वरुप उक्त रकम दिने  र घाइतेको सम्पूर्ण उपचार खर्च प्रदेश सरकारले व्यहोर्ने निर्णय भएको जनाईएको छ । 
 बारा र पर्सा जिल्लामा आएको हावाहुरीमा भएको धनजनको क्षतीको अध्ययन तथा पुननिर्माणको लागि निम्ति प्रदेश सरकारले  आन्तरिक मामिला मन्त्री ज्ञानेन्द्र यादव, समाजिक विकास मन्त्री नवलकिशोर साह र वन मन्त्री रामनरेश राय यादव  सहितको ३  सदस्यीय अध्ययन टोली गठन गरेको प्रदेश २का भौतिक पूर्वाधार मन्त्री जितेन्द्र सोनलले जानकारी दिए ।
आईतबार आएको हावाहुरीका कारण सोमबार बिहान १०बजे सम्म मुत्यु हुनेको संख्या ३५ पुगिसकेको र मुत्यु हुनेको संख्या बढन सक्ने  र हावाहुरीमा करिब ४ सयको हाराहारीमा घाईते भएका र घाईतेहरुको विरगन्ज र कलैयामा उपचार भईरहेको जनाईएको छ । अहिले पनि नेपाल प्रहरी, सशक्त प्रहरी, नेपालि सेना स्थानिय सहितको टोलिले उद्धार गरिरहेको जनाईएको छ ।