क्यान्सर पीडितलाई बानियाँद्वारा २० हजार सहयोग

१८ चैत, हेटौँडा । मकवानपुरको बाग्मति गाउँपालिकाका एक क्यान्सर पीडितलाई नेपाली कांग्रेस प्रदेश नम्बर ३ संसदीय दलका नेता ईन्द्रबहादुर बानियाँले आर्थिक सहयोग गरेका छन् । 
क्यान्सर पीडित बाग्मति गाउँपालिका वडा नम्बर ५, ज्यामिरेका बुदे भुजेललाई बानियाँले २० हजार रुपैँया आर्थिक सहयोग गरेका हुन् । सहयोग रकम बानियाँले उनका भाई हिमाल भुजेललाई हस्तान्तरण गरेका छन् । सहयोगको आग्रहसम्बन्धी समाचार प्रष्टखबरसहितका संचारमाध्यममा आएपछि सहयोग जुट्न थालेको जनाईएको छ । 
त्यसैगरी, हेटौँडा वडा नम्बर ५ का वडा अध्यक्ष राजेश बानियाँले ५ हजार रुपैँया, बाग्मति गाउँपालिका खेलकुद विकास समितिका अध्यक्ष अरुणलामा बलले ५ हजार रुपैँया, मकवानपुर फुटबल संघका उपाध्यक्ष सुविन घिमिरेले २ हजार ५ सय रुपैँया, हेटौँडा हेल्पलाईन प्रालिका संचालक शुभजंग थापाबाट २ हजार रुपैँया सहयोग उपलव्ध भएको स्थानीय पंकज थापा मगरले बताए । उनको उपचारका लागि करिब ४० हजार रुपैँया संकलन भएको मगरले जानकारी दिए । 
भरतपुरस्थित क्यान्सर अस्पतालमा पेटमा क्यान्सरको उपचार गराईरहेका बुदे भुजेलले आर्थिक अवस्था कमजोर भएका कारण उपचारमा कठिनाई भएको भन्दै सहयोगका लागि आग्रह गरेका थिए । सहयोग गर्न चाहनेले उनलाई ९८६१९२१५८९ मा सम्पर्क गर्न सकिने परिवारले जनाएको छ ।