प्रदेश योजना आयोगले साता निजी क्षेत्रहरुसंग अन्तरक्रिया गर्ने

२७ चैत, हेटौँडा । प्रदेश नम्बर –३ सरकारले प्रदेशमा निजी क्षेत्रको लगानी भित्र्याउनका र निजी क्षेत्रको भुमिका प्र्रर्वद्धनका लागि साता निजी क्षेत्रहरुसंग अन्तरक्रिया गर्ने भएको छ । 
प्रदेश नम्बर ३ सरकार प्रदेश नीति तथा योजना आयोगले बुधबार हेटौंडामा पत्रकार भेटघाट कार्यक्रमको आयोजना गर्दै प्रदेशको विकास र समृद्धिमा निजी क्षेत्रको भूमिका प्रर्वद्धन गर्ने लगायतका उद्धेश्यले प्रदेश सरकारले आउँदो वैशाख ६ र ७ गते चितवनको भरतपुरमा ७ निजी क्षेत्रका प्रतिनिधिमुलक संस्थाहरुसंग अन्तरक्रिया कार्यक्रम गर्न लागेको जानकारी गराएको हो । 
पत्रकार भेटघाटमा प्रदेश नीति तथा योजना उपाध्यक्ष डाक्टर खिमलाल देबकोटाले आयोगले तुलनातमक लाभका ५ वटा विकासमा क्षेत्र पहिचान गरी विकासका कि ड्राइभर  सहित नेपालकै निजी क्षेत्र संग भएको रकम प्रदेश ३ मा लगानी गरेर काम गर्ने उद्धेश्यले लगानी सम्मेलन गर्न लागिएको बताए । 
पुर्व प्रधानमन्त्री तथा पुष्पकमल दाहालले उदघाटन गर्ने कार्यक्रममा  प्रदेश ३ सरकारका मुख्यमन्त्री, विभिन्न मन्त्रालयका मन्त्रीज्यूहरु, सभाभुख, उपसभामुख, सभासदज्यूहरु, प्रमुख सचिव, मन्त्रालयका सचिवहरु,१३ जिल्लाका उद्योगी व्यवसायीहरु  लगायत  निजी क्षेत्रका लगानिकर्ताहरु समेत गरी करिव १ सय ५० जनाको उपस्थित रहने अनुमान गरिएको देबकोटाले जानकारी दिए । 
त्यसैगरी कार्यक्रममा बोल्दै आयोगका सदस्य डा. रामचन्द्र  ढकालले आयोगको प्रदेश ३ को पहिलो आवधिक योजना ( २०७६।७७ देखि २०८०।८१ को आधारपत्रमा उल्लेख गरिएको गुणस्तरीय पुर्वाधार, उद्योग, विशिष्टीकृत सेवा, विशिष्टीकृत कृषि र सम्पदामैत्री पर्यटन गरी पाँच क्षेत्रमा लगानी केन्द्रीकृत गर्ने योजना रहेको भन्दै योजना अवधिका लागि कुल स्थिर लगानी रु ३२ खर्व ३७ अर्व आवश्यक हुने प्रक्षेपण आधारपत्रमा उल्लेख गरिएको बताए ।