विप्लवमाथि बादलको यस्तो प्रतिक्रिया (भिडियोसहित)

४ बैशाख, हेटौँडा । गृहमन्त्री रामबहादुर थापाले देशमा ध्वंसात्मक गतिविधि गर्ने छुट कसैलाई नरहेको बताएका छन् ।
हेटौँडामा जारी ३ नम्बर प्रदेशस्तरीय सुरक्षा गोष्ठीमा सहभागी हुन आईपुगेका गृहमन्त्री थापाले संचारकर्मीहरुसंग कुरा गर्दै यस्ता गतिविधि नियन्त्रण गर्नु सरकारको दायित्व भएको बताए । ध्वंसात्मक गतिविधिलाई संविधानले नै प्रतिवन्ध लगाएकाले विप्लव नेतृक्वको नेकपामाथिको प्रतिवन्धलाई राज्यले गरेको कानून कार्यान्वयनको रुपमा लिनुपर्नेमा उनको भनाई थियो । उनले विप्लव समूहलाई सम्वादको माध्यमबाट मूलधारमा ल्याउन प्रयत्न जारी रहेको बताए ।
उनले गतबर्षसम्म रहेका राष्ट्रिय शान्ति र अखण्डताको चुनौति सरकारले समाधान गरेको दावि गर्दै संविधान र राज्य विरोधी समूहबाट अस्थिरतालाई पूर्ण रुपमा नियन्त्रण गर्न प्रयास गरिरेहेको बताए । २ दिने प्रदेशस्तरीय सुरक्षा गोष्ठीमा गृहसचिव प्रेमबहादुर राई, गृहमन्त्रीका सुरक्षा सल्लाहकार ईन्द्रजित राई, प्रहरी महानिरीक्षक सर्वेन्द्र खनाल, सशस्त्र प्रहरी महानिरीक्षक शैलेन्द्र खनाल र राष्ट्रिय अनुसन्धान विभागका प्रमुख गणेश अधिकारी, गृह मन्त्रालयका प्रवक्ता रामकृष्ण सुबेदी, नेपाली सेनाका प्रतिनिधिहरु, ३ नम्बर प्रदेश स्तरीय सुरक्षा निकायका प्रमुखहरू, १३ जिल्लाका प्रमुख जिल्ला अधिकारी र सुरक्षा निकायका प्रमुखहरूको सहभागिता रहेको छ ।