१ करोड बुझाएर आए प्रदेश ३ का मूख्यमन्त्री पौडेल

४ बैशाख, हेटौँडा । ३ नम्बर प्रदेश सरकारका मूख्यमन्त्री डोरमणी पौडेलले २ नम्बर प्रदेश सरकारलाई एक करोड रुपैँया बुझाएर आएका छन् ।
मूख्यमन्त्री पौडेलले बारा र पर्साका हावाहुरी पीडितको आवास निर्माणका लागि ३ नम्बर प्रदेश सरकारको तर्फबाट १ करोड रुपैया हस्तान्तरण गरेका हुन् । जनकपुरमा आयोजित कार्यक्रममा ३ नम्बर प्रदेशका मुख्यमन्त्री डोरमणि पौडेलले २ नम्बर प्रदेशका मुख्यमन्त्री लालबाबु राउतलाई रकम हस्तान्तरण गरेका थिए ।
यसैगरी ३ नम्बर प्रदेशका प्रदेश सभा सदस्यहरुको ३ दिन बराबरको तलब पनि २ नम्बर प्रदेश सरकारलाई पनि हस्तान्तरण गरिएको छ । प्रदेश सभाका उपसभामुख राधिका तामाङले सहयोग रकम २ नम्बर प्रदेशका मुख्यमन्त्री राउतलाई हस्तान्तरण गरिन् । प्रदेश सभाका १ सय ९ जना सदस्यहरुको  ३ दिनको पारीश्रमिक ४ लाख ६९ हजार ५० रुपैया हस्तान्तरण गरिएको हो । मुख्यमन्त्री तथा मन्त्रीपरिषद कार्यालयका सचीव रमेश शिवाकोटी, भौतिक पुर्वाधार बिकास मन्त्रालयका सचिव कौशल किशोर झालगायतको टोलि जनकपुर पुगेको थियो ।
कार्यक्रममा बोल्दै ३ नम्बर प्रदेशका मुख्यमन्त्री डोरमणी पौडेलले छिमेकी प्रदेशमा परेको विपत्ति मा सहयोग गरेर मानविय कार्यमा सहयोग गरेको बताए । २ नम्बर प्रदेशका मुख्यमन्त्री लालबाबु राउतले  २ नम्बर प्रदेशको जनताको पिडामा लगाएको मल्हमप्रति आभारी रहेको बताए ।