स्थानीय तहलाई एम्बुलेन्स, शवबाहन र दमकल खरिद गर्न स्विकृती

९बैशाख, हेटौँडा ।प्रदेश नम्बर ३ सरकारले प्रदेशभरीका ५० वटा स्थानीय तहलाई एम्बुलेन्स, शवबाहन र दमकल खरिद गर्न स्विकृती दिएको छ ।
सोमबार प्रदेशका मुख्यमन्त्री डोरमणि पौडेलको अध्यक्षतामा बसेको बैठकले प्रदेशभरीका ५० वटा स्थानीय तहमा आवश्यकता अनुसार प्रचलित कानुन बमोजिम  एम्बुलेन्स, शवबाहन र दमकल खरिद गर्ने गरी स्विकृत गर्ने निर्णय गरेको छ । 
 अनुदानको व्यबस्था सहित स्थानीय तहलाई एम्बुलेन्स र दमकल खरिद गर्न प्रदेश सरकारका प्रवक्ता अर्थीक मामिला तथा योजना मन्त्री कैलाश ढुंगेलले जानकारी दिएका छन ।
उनले सरकारले ३७ वटा स्थानिय तहलाई एम्बुलेन्स, ६ वटा दमकल र ७ वटा शवबाहन माग भएकोले सोहि अनुसार खरिद गर्न शसर्त अख्तियारी प्रदान गरेको जनाएका छन ।    
  त्यसैगरी आजै बसेको  मन्त्रिपरिषदको बैठकले हेटौंडा १५ मा अटो भिलेज निर्माणका लागि लागि हेटौंडा उपमहानगरपालिकालाई ३० बर्षे भोगाधिकार प्रदान गर्न संघीय सरकारलाई सिफारिस गर्ने निर्णय गरेको छ साथै बैठकले प्रदेश नीति तथा योजना आयोगको सदस्यमा डा. यमुना कँडेल खनाललाई नियुक्त गरेको छ । नव नियुक्त सदस्य डा. कँडेललाई मुख्यमन्त्री डोरमणि पौडेलले सपथ ग्रहण समेत गराएका छन ।