काँग्रेस क्षेत्र नम्बर ४ मा १२ जना मनोनित

१२ मंसिर, हेटौंडा । नेपाली काँग्रेस मकवानपुर ४ नम्बर क्षेत्रीय समितिको बैठकले उपसभापति र सहसचिवसहित ४ जना सदस्य र ६ सल्लाहकार गरी १२ जनालाई मनोनित गरेको छ ।

शनिवार बसेको ४ नम्बर क्षेत्रीय समितिको बैठकले १२ जनालाई मनोनित गरिएको ४ नम्बर क्षेत्रीय सभापति लोकबहादुर मुक्तानले बताए ।  बैठकले उपसभापतिमा नुरोजकुमार पौडेल, सहसचिव सन्तोष थापा, सदस्यहरुमा मंगलसिं मुक्तान, माणिकलाल मुक्तान, दुर्गा स्याङतान र चतुरभुज न्यौपानेलाई मनोनित गरिएको सभापति मुक्तानले बताए ।

त्यस्तै तेजराज उप्रेती, खुलबहादुर नगरकोटी, ईन्द्रबहादुर प्रजा, शंकर न्यौपाने, पूर्ण सिं मुक्तान र हरिप्रसाद घिमिरेलाई सल्लाहकारमा मनोनित गरिएको ४ नम्बर क्षेत्रीय सभापति मुक्तानले बताए ।

नेपाली काँग्रेस ४ नम्बर क्षेत्रीय सभापति लोकबहादुर मुक्तानको सभाध्यक्षमा बसेको बैठकमा जिल्ला सचिव बुद्ध लामा, महासमिति सदस्य भरत पराजुली, चित्रबहादुर थापा, रञ्जन कालाखेती, जिल्ला सदस्य रामकृष्ण प्रजा, दीपेन्द्रकुमार मल्ल, महाधिबेशन प्रतिनिधी जानकी लामा, तरुण दलका क्षेत्रीय अध्यक्ष ठाकुर तितुङ, नेपाल महिला संघकी क्षेत्रीय अध्यक्ष जानुका लामालगायतले संगठन सुदृढिकरणमा क्रियाशिल भएर लाग्न र गाउँ/गाउँमा कार्यकर्तामाझ जान आग्रह गरे ।