स्थानियले गाडे हुप्राचौरमा कालो झण्डा

१४ बैशाख, हेटौँडा ।  हेटौँडा उपमहानगरपालिका नगर प्रमुख हरी बहादुर महतसंग  भएको मौखिक सहमती उल्लघन गर्दै उपमहानगरपालिले दोस्रो पटक हुप्रचौरमा ब्यबसायिक सटर र प्याराफिट निर्माणका सुचना प्रकाशनको बिरोधमा हुप्रचौर सरोकार समितिको अगुवाईमा स्थानिय बासिन्दाले हुप्राचौरमा कालो झण्डा गाडनुका साथै तारबार गरी हुप्राचौरको सरसफाई गरेका छन ।
 करिब ६ सय भन्दा बढि उपस्थित स्थानियहरुले उपमहानगरपालिकको हुप्रचौरमा ब्यबसायिक सटर र प्याराफिट निर्माणको विरोधमा हुप्राचौरमा कालो झण्डा गाडनुका साथै तारबार गरी हुप्राचौरको सरसफाई गरेका हुन । 
 हुप्राचौर सरोकार समितिको अध्यक्ष  दिपक खड्काले हेटौँडा उपमहानगरपालिका नगर प्रमुख हरी बहादुर महतसंग  भएको मौखिक सहमती उल्लघन गरी फेरी सुचना प्रकाशित गरी ब्यबसायिक सटर र प्याराफिट निर्माणको संकेत गरेकोले विरोध स्वरुप कालो झण्डा गाडिएको बताए ।
त्यसैगरी कांग्रेस प्रतिनिधी तथा कांग्रेस ४ नम्बर वडाध्यक्ष हरि प्रसाद पौडेलले  हुप्राचौरलाई खुल्ला मैदानको अबधारणामा राखि कुनैपनि भौतिक निर्माण गरे सबै स्थानिय बिरोध गर्न बाध्य हुने  प्रस्ट खबरलाई बताए ।   
उक्त कार्यक्रममा हुप्राचौर सरोकार समितिको अध्यक्ष  दिपक खड्का , राजनितिज्ञ सिताराम बर्ताैला र हरि प्रसाद पौडेल, नागरिक अगुवा राजन मैनाली , नगर समन्वय समितिका प्रतिनिधि ज्ञानेन्द्र देबकोटा , टोल बिकास सँस्थाहरूको तर्फबाट सिर्जना पौडेल , बुद्धिजिबि विशाल बिडारी  जिल्ला फुटबल सँघको सदस्य तथा समाजसेवी युवा लवराज  ठकुरी लगायत करिब ६ सय जनाको सहभागिता रहेको थियो ।