महासचिव पौडेल निर्दोशः प्रधानमन्त्री ओली 

१८ वैशाख, हेटौँडा । प्रधानमन्त्री केपी शर्मा ओलीले बालुवाटारको जग्गालाई लिएर सिंगो पार्टी विरुद्ध भ्रम फैलाउने काम भएको बताएका छन् । 
मंगलबार संघीय संसद भवनमा बसेको नेकपा संसदीय दलको बैठकलाई सम्बोधन गर्दे नेकपाका अध्यक्ष समेत रहेका प्रधानमन्त्री ओलीले धेरैले किनबेच गरिसकेपछि किनेका महासचिव विष्णु पौडेलले बालुवाटारको जग्गा नहडपेको दावी गरेका हुन् ।
प्रधानामन्त्री ओलीले बालुवाटारको जग्गा किन्नका लागि महासचिव पौडेलले पदीय दुरुपयोग नगरेको भन्दै उनको बचाउ गरे । उनले सरकारी सम्पत्ति जुसुकैले हडपेको भएपनि सरकारले त्यो फिर्ता गर्ने प्रतिवद्धता जनाए । 
बालुवाटारको जग्गा सरकारी पर्छ कि पर्दैन भन्ने समयक्रमले देखाउने भन्दै उनले सरकारले हडप भएका सबै सार्वजनिक जग्गा फिर्ता ल्याउने दाबी गरे । 
यस्तै प्रधानमन्त्री ओलीले शान्ति सुरक्षा तथा अमनचैनमा खलल पर्ने गरी बम पड्काउने तथा आतंक फैलाउने कुनै पनि काम हुन नदिने भन्दै नेत्र विक्रम चन्द विप्लब समूहमाथि लगाएको प्रतिबन्ध फिर्ता नहुने बताए ।
विगतको सरकारको समयमा भन्दा आफ्नो नेतृत्वको सरकारको समयमा मुलुकमा शान्ति सुरुक्षाको अवस्था मजबुत भएको प्रधानमन्त्री ओलीको दावी थियो । उनले अधिकारकर्मीहरुले निर्मला पन्तका परिवारलाई अनावश्यक दबाब दिने काम गरेको टिप्पणी समेत गरे ।