सरकार लोकतन्त्रको आवरणमा निरंकुश बन्दैः केसी

४ जेष्ठ, हेटौँडा । नेपाली कांग्रेसका केन्द्रीय सदस्य नेता अर्जुन नरसिहं केसीले सरकार लोकतन्त्रको आवरणमा निरंकुश बन्दै गएको आरोप लगाएका छन् ।
शनिबार रिपोर्टस क्लबको साक्षात्कारमा बोल्दै नेता केसीले निरंकुश मनोवृत्तिका साथ सरकाले सम्पुर्ण शक्ति र अधिकार आफुमा निहीत गर्ने गरि एक पछि अर्को कानुन बनाउदै गएको बताएका हुन् ।
राज्यका सम्पुर्ण सम्बैधानिक निकायलाई प्रधानमन्त्री मातहत ल्याउने गरि सरकारले एकपछि अर्को कदम चाल्दै आएको भन्दै उनले आपत्ती व्यक्त गरे । नेता केसीले मानवअधिकार आयोग, राष्ट्रिय सुरक्षा परिषद्, मिडिया काउन्सिल र सुचना प्रविधि सम्बन्धी विधेयकमा गरिएको व्यवस्था लोकतन्त्र र प्रेस स्वतन्त्रता विरोधी भएकाले कांग्रेसले सडक देखि सदन सम्म विरोध गर्ने बताए ।
यस्तै नेकपाका नेता दिनानाथ शर्माले मिडिया सम्बन्धी अधिकारलाई कुण्ठित गर्ने ढंगको विधेयक आए संसदबाट कुनै पनि अवस्थामा पास हुन नदिने प्रतिवद्धता व्यक्त गरे । उनले संविधानको मुल मान्यतालाई पालना गराउन प्रतिवद्ध रहेको भन्दै त्यही विषयलाई लिएर सडकमा जान आवश्यक नरहेको स्पष्ट पार्दै सरकारलाई लोकतन्त्रको मुल्य मान्यता विरुद्ध जान नदिने प्रतिवद्धता पनि व्यक्त गरे ।