क्रिष्टल गहना बनाउने तालिम शुरु

हेटौंडा, २ साउन/मकवानपुर उद्योग बाणिज्य संघ अन्तरगतको महिला उद्यमी विकास समितिको आयोजनामा आजदेखि हेटौँडामा क्रिष्टल गहना बनाउने तालिम शुरु भएको छ । ५ दिनसम्म संचालन हुने तालिमको मकवानपुर उद्योग बाणिज्य संघका अध्यक्ष राजकुमार न्यौपानेले शुभारम्भ गरेका हुन् ।
कार्यक्रममा बोल्दै अध्यक्ष न्यौपानेले तालिममा सहभागीले आफ्नो सिपलाई उद्योगको रुपमा अघि बढाउन चाहे पछि तिर्ने गरी संघले २ लाख रुपैँयासम्म सहयोग गर्ने प्रतिवद्धता व्यक्त गरे । संघका महासचिव महेन्द्र राउतले महिलाहरुको उद्यमशिलता विकासका लागि तालिमको खाँचो पर्ने बताउँदै यसमा नेपाल उद्योग बाणिज्य महासंघले समेत सहयोग गनुपर्नेमा जोड । कार्यक्रममा संघका कोषाध्यक्ष प्रमोदसिंह रानाभाट, महिला विकास समिति पश्चिमी क्षेत्र सभापति अनिता कर्माचार्य, महिला उद्यमी विकास समितिकी उपसभापति एवम् तालिम संयोजक रवीलक्ष्मी श्रेष्ठ लगायतले मन्तव्य व्यक्त गरेका थिए ।
२५ जना प्रशिक्षार्थीको सहभागिता रहने तालिममा शारदा सुवेदीले सहजीकरण गर्ने महिला उद्यमी समितिकी सभापति निलम पाण्डेले जानकारी दिईन् । उनका अनुसार तालिममले महिलाहरुलाई आर्थिक रुपमा सक्षम बनाई आत्मनिर्भरतातर्फ अघि बढ्न सहयोग गर्नेछ ।