हिमाल महिला सहकारीको वार्षिकोत्सवमा सम्मान

२६ जेठ, हेटौँडा । मकवानपुरगढी–३ मक्रान्चुलीमा रहेको हिमाल महिला बहुउद्धेश्यीय सहकारी संस्थाको २१ औं वार्षिकोत्सवमा शेयर सदस्यहरुलाई सम्मान तथा पुरस्कार वितरण गरिएको छ ।
कार्यक्रममा पिङडाडा समूह, असली ऋणीमा मंगलीमाया स्याङतान र सीता ढुङगाना, धेरै शेयर रकममा सानोमाया लुङवा, धेरै बचता गर्ने हेमकुमारी फुयाँललाई पुरस्कृत गरिएको थियो । यसैगरी जेष्ठ शेयर सदस्यमा विष्णुकुमारी स्याङतान, फूलमाया न्यासुर र बुद्धिमाया मोक्तान, बालबचतमा रिजन चौलागाई र किशोरी समूहमा देवी किशारी समूह लगायतलाई सम्मान गरिएको थियो । मकवानपुरगढी गाउँपालिकाका अध्यक्ष विदुर हुमागाईको प्रमुख आतिथ्यता एवम सहकारीकी अध्यक्ष जानुका दाहालको अध्यक्षतामा कार्यक्रम भएको थियो । 
कार्यक्रममा मकवानपुरगढी–३ का वडा अध्यक्ष भागवत घिमिरे,प्रदेश नं. ३ सामाजिक विकास मन्त्रालयका दुर्गा घिमिरे, नेपाल वंगलादेश बैक गढी शाखा प्रमुख डिल्ली कार्की, राष्ट्रिय सहकारी बैकका अभिमन्यु दाहाल, मकवानपुरगढी गाउँपालिका सहकारी शाखाकी मन्दिरा थापा, मनकामना दुग्ध उत्पादक सहकारीका अध्यक्ष कृष्णप्रसाद दाहाल, मकवानपुरगढी वृहत खानेपानीका सचिव कृष्णप्रसाद पोखरेल, सरस्वती आधारभूत विद्यालयका अध्यक्ष गोविन्द शर्मा, संस्थाकी व्यवस्थापक शुभद्रा तिमल्सिना, संचारकर्मी भीमसेन पौडेल लगायतले मन्तव्य व्यक्त गरेका थिए ।

अध्यक्षद्धारा एकल महिलालाई सहयोग
मकवानपुरगढी–३ का अध्यक्ष भागवत घिमिरेले एकल महिलाको लागि यहाँको एक सहकारी संस्थालाई आर्थिक सहयोग गरेका छन । मकवानपुरगढी–३ मा रहेको हिमाल महिला बहुउद्धेश्यीय सहकारी संस्थालाई नगद २० हजार सहयोग गरेका हुन । उक्त सहकारी संस्थाको आइतवार भएको २१ औ वार्षिक उत्सव कार्यक्रम वडा अध्यक्ष घिमिरेले २० हजारको चेक संस्थाकी अध्यक्ष जानुका दाहाललाई हस्तान्तरण गरेका थिए । एकल महिलाको जीवनलाई सहज बनाउन आफूले सहयोग गरेको वडा अध्यक्ष घिमिरेले बताए ।