हेटौंडा उपमहानगरको बजेट १अर्ब ८१ करोड १८ लाख 

१० असार, हेटौँडा । हेटौंडा उपमहानगरपालिकाले आर्थिक वर्ष २०७६र७७ को लागि १  अर्ब ८१ करोड १८ लाख रुपैयाँको बजेट प्रस्तुत गरेको छ । मंगलबार भएको उपमहानगरपालिकाको पाँचौ नगरसभाको बैठक मार्फत नगर उपप्रमुख मिना कुमारी लामाले आर्थिक वर्ष २०७६र७७ को लागि १ अर्ब ८१ करोड १८ लाख रुपैयाँको बजेट प्रस्तुत गरेकी हुन । 
नगरसभा बैठकमा नगर उपप्रमुख लामा आर्थिक वर्ष २०७६र७७ का लागि क्षेत्रगत बजेट विनियोजन गरेको बताएकी छिन । 
जस अनुसार उपमहानगरपलिकाले पूर्बाधार बिकाशका लागि ८६ करोड १२ लाख ५० हजार रुपैयाँ छुट्याएको बताउदै जसमा बस टर्मिनल भवनका लागि ३ करोड, मुख्य बजार क्षेत्रमा सुविधायुक्त भ्यु टावर निर्माणका लगि २ करोड, हेटौँडा १०मा रहेको बसपार्कलाई व्यवस्थीत गर्न र पुर्वी क्षेत्र तर्फजाने सवारीका लागि बसपार्क निर्माणका लगि २ करोड विनियोजन गरेको बताइन । त्यसैगरी पूर्बाधार बिकाश अन्र्तगतनै कर्रा कोरिडोर निर्माण कार्यलाई निरन्तरता दिन २ करोड, बृहत्तर चक्रपथका लागि २ करोड विनियोजन गरी अन्य आयोजना सम्पन्न गर्न  पूर्बाधार बिकाशका लागि ८६ करोड १२ लाख ५० हजार रुपैयाँ छुट्याएको उप प्रमुख लामाले बताइन । 
त्यसैगरी उपमहानगरपालिकाले आर्थिक वर्ष २०७६र७७ को लागि आर्थीक विकास तर्फ कुल ४ करोड ९५ लाख ५७ हजार विनियोजन गरेको छ । जसमा प्रदेश सरकारको सहयोगमा निर्माण हुने  आधुनिक कृषि थोक बजार केन्द«का लागि १ करोड,उद्यमशिलताको विकासको लागि २० लाख, पर्यटकीय स्थलको विकास र साना पुर्वाधार सुधारका लागी १ करोड ५८ लाख ट विनियोजन गरीएको छ । 
त्यसैगरी उपमहानगरपालिकाले आर्थिक वर्ष २०७६र७७ को लागि सामाजिक विकास तर्फ कुल ५८ करोड ५५ लाख ४३ हजार विनियोजन गरेको जनाएको छ । जसमा मृगौला विरामीलाई निःसुल्क डायलोसिस सेवा उपलब्ध गराउन २५ लाख, सामुदायीक विद्यालयमा कार्यरत बालबिकास सहयोगी कार्यकर्ता प्रोत्साहनमा १४ लाख ४० हजार र विद्यार्थीहरुलाई दिवा खाजाका लागि ५ लाख, महिलमा हुने स्तन क्यान्सर र अन्य कडा रोगको परीक्षणका लागि १० लाख , दक्ष जनशक्ती र उपकरण सहित सहरी स्वास्थ्य केन्द« संचालनका लागी ८० लाख विनियोजन गरीएको छ । 
त्यसैगरी उपमहानगरपालिकाले आर्थिक वर्ष २०७६र७७ को लागि वातावरण तथा विपद व्यवस्थापनका लागि ४ करोड ९९ लाख २० हजार विनियोजन गरेको छ । 
त्यसैगरी उपमहानगरपालीकाले दैनिक कार्यालय सञ्चालनका लागि तलब, भत्ता लगायत अन्य प्रशासनिक खर्चका लागि १९ करोड १४ लाख ४० हजार बिनियोजिन गरेको र  कार्यालयको सुशासनतर्फमा ६ करोड ४५ लाख ८९ हजार र वडा कार्यालय मार्फत कार्यक्रम संचालनका लागी ९५ लाख विनियोजन गरेको बताइन । 

निति तथा  कार्यक्रम प्रस्तुतीकरण कार्यक्रममा उपप्रमुख मिना कुमारी लामाले प्रस्तुत गरेको बजेटमा आन्तरिक श्रोतबाट ३० करोड ३४ लाख ९१ हजार रुपैयाँ, राजस्व बाँडफाँडबाट ४५ करोड ८४ लाख ९ हजार रुपैयाँ, प्रदेश ३ सरकारको विभिन्न अनुदानबाट ८ करोड ३४ लाख ९९ हजार रुपैयाँको बजेट आएको बताइन।  उपमहानगरपालिकाको गत वर्षको नगद मौजदातबाट १० करोड रुपैयाँ बेहोरीने र संघिय सरकारको अनुदानबाट ८६ करोड ६४ लाख रुपैयाँ प्राप्त हुने बताइन ।