जनकल्याणको क्षमता अभिबृद्धि तालिम शुरू

२४ साउन, हेटौंडा । हेटौंडा-६ मा रहेको जनकल्याण बचत तथा ऋण सहकारी संस्थाको आयोजनामा दुई दिने तालिम शुरू भएको छ । 
भुमी व्यवस्था, कृषि तथा सहकारी मन्त्रालय सहकारी विकास महाशाखाका प्रमुख नारायणप्रसाद ज्ञवालीको प्रमुख आतिथ्यता एवम् संस्थाका अध्यक्ष हिमाल पौडेलको सभाध्यक्षतामा कार्यक्रम भएको हो ।
कार्यक्रममा पशुपंक्षी तथा मत्स्य विकास निर्देशनालयका प्रमुख रामगोपाल आचार्य, जिल्ला बचत तथा ऋण सहकारी संघका अध्यक्ष राधा सिन्तान, उद्योग संघ हेटौंडाका अध्यक्ष नवराज अर्याल, कोषाध्यक्ष चेतनाथ खतिवडा, शिक्षा उपसमिति सदस्य रोमबहादुर न्यौपाने लगायतले मन्तव्य गरेका थिए ।
तालिममा संस्थाका संचालक, शेयर सदस्य र संचारकर्मी र कर्मचारीको सहभागिता रहेको छ । तालिममा भुमी व्यवस्था, कृषि तथा सहकारी मन्त्रालय सहकारी विकास महाशाखाका प्रमुख नारायणप्रसाद ज्ञवाली, सहकारी बैंक हेटौंडाका प्रमुख रामेश्वर अर्याल, गढी गाउँपालिकाका प्रमुख प्रशासकीय अधिकृत भीमबहादुर परियार, चार्टर्ड एकाउन्टेन्ट बिनोद दाहाल, जिल्ला सहकारी संघका अध्यक्ष बद्री लम्साल र नलेज भिलेजका संचालक सुदर्शनप्रसाद अधिकारीले सहजिकरण गर्ने संस्थाले जनाएको छ ।
प्रदेश ३ मा देशभर रहेका सहकारी मध्ये ११ हजार १ सय ७७ सहकारी रहेको र सहकारीको कूल शेयर पूँजिमध्ये ६७ प्रतिशत र बचतको ७० प्रतिशत रकम रहेको कार्यक्रममा जानकारी दिईएको थियो ।