स्थापना दिवसमा मामाघर नेपाललाई सहयोग

भीमसेन पौडेल 
२४,साउन,हेटौडा ।सहकारी दिवस स्थापनाको अवसरमा हेटौडामा रहेको मामाघर नेपाललाई आर्थिक सहयोग गरेको छ । हेटौडा–२ मा रहेको मकवानपुर नमूना प्रगति बचत तथा ऋण सहकारी संस्थाले मामाघर नेपाललाई ११ हजार १ सय ११ रुपैयाँ आर्थिक सहयोग गरेको हो ।

उक्त रकमको चेक जिल्ला सहकारी संघका अध्यक्ष बद्रीप्रसाद लम्सालले मामाघर नेपालका संरक्षक अर्पण पराजुलीलाई हस्तान्तरण गरेका थिए ।
जिल्ला सहकारी संघका अध्यक्ष बद्रीप्रसाद लम्सालको प्रमुख आतिथ्यता एवम सहकारीका अध्यक्ष मिठाराम दाहालको अध्यक्षतामा कार्यक्रम भएको थियो । कार्यक्रममा ३ नं. प्रदेशका पूर्व महान्याधिबक्ता सूर्यचन्द्र न्यौपाने, जिल्ला बचत तथा ऋण सहकारी संघकी अध्यक्ष राधा सिन्तान, राष्ट्रिय सहकारी बैक हेटौडा शाखा प्रमुख रामेश्वर अर्याल,मकवानपुर जिल्ला दुग्ध उत्पादक सहकारी संघका अध्यक्ष बासुदेव अधिकारी, संस्थाका पूर्व अध्यक्ष उद्धवप्रसाद दाहाल, संस्थाका उपाध्यक्ष एकलाल श्रेष्ठ, सचिव रामजी सापकोटा लगायतकाले मन्तव्य व्यक्त गरेका थिए ।
संस्थाको शेयर पूँजी २ करोड ३६ लाख, बचत १७ करोड १८ लाख र ऋण लगानी २१ करोड ४२ लाख रहेको छ । आव ०७५÷०७६ मा ८१ लाख ७१ हजार नाफा कमाउन सफल यो सहकारी संस्थामा महिला ८ सय ४१ जना पुरुष १ हजार ४ सय २८ गरी कुल २ हजार २ सय ६९ जना शेयर सदस्य रहेको संस्थाका वयवस्थापक बद्री भण्डारीले बताए ।