हिमचुली सहकारीको साधारणसभा सम्पन्न

३२ साउन, हेटौंडा । हेटौडा–१६ चिसापानीमा रहेको हिमचुली कृषि सहकारी संस्थाको १३ औं वार्षिक साधारणसभा शनिवार सम्पन्न भएको छ । 
साधारणसभामा संस्थाका अध्यक्ष ठाकुरदत्त खतिवडाले संस्थागत प्रतिवेदन र लेखा सुपरीवेक्षण समितिका संयोजक नविनराज दाहालले आव ०७५/०७६ को लेखापरीक्षण प्रतिवेदन प्रस्तुत गरेका थिए । सभामा ज्येष्ठ शेयर सदस्य भक्तकुमारी धिताल, हरीप्रसाद बास्तोला र असली बचतकर्ता चेतकुमारी तिमल्सिनालाई सम्मान गरिएको थियो । हेटौडा–१६ का वडा अध्यक्ष रामकृष्ण कोइरालाको प्रमुख आतिथ्यता एवम संस्थाका अध्यक्ष ठाकुरदत्त खतिवडाको अध्यक्षतामा साधारणसभा भएको थियो । 
साधारणसभामा हेटौंडा उपमहानगरपालिका नगर कार्यपालिका सदस्य कृष्णबहादुर राई, चिसापानी बचत तथा ऋण सहकारीका अध्यक्ष कृष्णप्रसाद सापकोटा, जनप्रिय मावि व्यवस्थापन समितिका अध्यक्ष लोकनाथ र्चालागाई,चेतनशिल दुग्ध उत्पादक सहकारी संस्थाका संचालक सदस्य भीमप्रसाद पुडासैनी, संस्थाका सचिव ठाकुरप्रसाद नेपाल, प्रकाशमान सापकोटा लगायतकाले मन्तव्य व्यक्त गरेका थिए । 
१ सय १७ जना शेयर सदस्य रहेको संस्थाले आव ०७५/०७६ मा ३१ लाखको कारोवार गरेको संस्थाले जनाएको छ ।