सखित्वको अध्यक्षमा पुनः घिमिरे चयन

१४ भदौ, हेटौँडा । हेटौँडा-५ मा रहेको सखित्व बचत तथा ऋण सहकारी संस्था लिमिटेडको अध्यक्षमा पुनः बालकृष्ण शर्मा घिमिरे चयन भएका छन् ।
संस्थाको शनिबार सम्पन्न नवौ बार्षिक साधारण सभाले घिमिरेको नेतृत्वमा नयाँ सञ्चालक समिति चयन गरेको हो । समितिको उपाध्यक्षमा पुरुषोतम पौडेल, सचिवमा लिलानाथ ढुंगेल, कोषाध्यक्षमा सन्दिप सापकोटा र सदस्यहरु दुर्गा सञ्जेल, निशा मानन्धर, अर्जुन देवकोटा, सुनिता ढुंगेल, मुनालराज न्यौपाने चयन भएका छन् । त्यसैगरी, लेखा समिति संयोजकमा गोविन्द पोखरेल, सदस्यहरुमा रामु कँडेल र जानकी शर्मा चयन भएका छन् ।
हेटौँडा वडा नम्बर ५ का वडा अध्यक्ष राजेश बानियाँको प्रमुख आतिथ्यता एवं संस्थाका अध्यक्ष बालकृष्ण शर्मा घिमिरेको सभाध्यक्षतामा भएको कार्यक्रममा अध्यक्ष घिमिरेले बार्षिक प्रतिवेदन, सचिव लिलानाथ ढुंगेलले प्रगति र लेखा समिति प्रतिवेदन र ऋण समिति संयोजक गोविन्द पोखरेलले ऋण समितिको प्रतिवेदन प्रस्तुत गरेका थिए । 
कार्यक्रममा सल्लाहकार देवीराम लामा, उपाध्यक्ष पुरुषोतम पौडेल, पूर्व उपाध्यक्ष विष्णुहरी पण्डित, हेटौँडा क्याम्पसका प्रमुख देबचन्द्र मानन्धर, सदस्य दुर्गा सञ्जेल, शेयर सदस्यहरु दाशरथी उपाध्याय, रामबाबु भण्डारी, उत्तम अर्याल लगायतले मन्तव्य व्यक्त गरेका थिए । ४ सय ६५ शेयर सदस्य रहेको संस्थाले गत आर्थिक बर्षमा २ करोड ७६ लाख ५५ हजार २ सय ४० रुपैँया कारोबार गरेको संस्थाले जनाएको छ । साधारणसभाको अवसरमा संस्थाले मामाघर नेपालमा आश्रित बालबालिकालाई विहानको भोजन गराएको थियो ।