चुच्चेखोलाका दुई सहकारी मर्ज

२७ पुस, हेटौंडा । हेटौंडा चुच्चेखोलामा रहेका दुई सहकारी बुधबार मर्ज भएका छन् । चुच्चेखोलामा रहेका नारी चेतना अगरवत्ती र नारी चेतना सहकारी संस्था मर्ज भएका हुन् । बुधबार भएको संयुक्त साधारणसभाबाट मर्जको घोषणा भएको छ ।

साधारणसभामा संस्थापक अध्यक्ष हिरादेवी दाहाल, नारी चेतना केन्द्रकी कोषाध्यक्ष सकुन्तला गिरी, सञ्चारकर्मी भीसमेन पौडेल, केदार गौतम, उत्कृष्ट बचतकर्ता रोमाकुमारी अधिकारी, उत्कृष्ट ऋणी सर्मिला सिग्देल, बाल बचतकर्ता अनुस्या तिमल्सिनालाई सम्मान गरिएको थियोे ।

भेलाले ज्ञानु अर्यालको अध्यक्षतामा ९ सदस्यीय नयाँ संचालक समिति गठन गरेको छ । समितिको उपाध्यक्षमा कमला श्रेष्ठ, सचिवमा राधिका विडारी, कोषाध्यक्षमा सर्मिला सिग्देल, सदस्यमा सरिता बयलकोटी, निला चौलागाईं, ज्ञानिन्द्र अर्याल, चण्डिका ढकाल र तिलकमाया रूम्बा रहेका छन् । यसैगरी, रिता फुँयाल संयोजक र पार्वती चौलागाईं, सीता ढुंगाना रहेको ३ सदस्यीय लेखा सुपरिवेक्षण समिति समेत गठन भएको छ ।

नारी चेतना केन्द्रकी कार्यक्रम अधिकृत सिर्जना पौडेलको प्रमुख अातिथ्यतामा सम्पन्न कार्यक्रममा डिभिजन सहकारी कार्यालयका प्रमुख तिलकराम पोखरेल, नारी चेतना केन्द्रकी कोषाध्यक्ष सकुन्तला गिरी, मकवानपुर जिल्ला बचत तथा ऋण सहकारी संघ महिला उपसमिति संयोजक पर्वती राना,  चुच्चेखोला सामुदायिक वनका अध्यक्ष अर्जुन दाहाल, रानी सामुदायिक वनकी सचिव नानीमाया रूम्बा, प्रगतिशील महिला अापसी विकास संस्थाकी व्यवस्थापक कल्पना पराजुली लगायतले मन्तव्य व्यक्त गरेका थिए ।