महिला आवाज सहकारीको २१ औं भेला सम्पन्न

२७ भदौ, हेटौँडा । मकवानपुरगढी–२ शिखरकटेरीमा रहेको महिला आवाज बचत तथा ऋण सहकारी संस्थाको २१ औं वार्षिक साधारणसभा शुक्रवार सम्पन्न भएको छ । 
भेलामा संस्थाकी अध्यक्ष तेजकुमारी अस्थानीले संस्थागत प्रतिवेदन, सचिव रविना गोलेले प्रगति प्रतिवेदन, कोषाध्यक्ष निराकुमारी रुम्बाले आर्थिक प्रतिवेदन, लेखा सुपरीवेक्षण समितिकी संयोजक उर्मिला कार्कीले लेखा समितिको प्रतिवेदन र ऋण उपसमितिकी संयोजक निर्मला थिङले ऋण समितिको प्रतिवेदन प्रस्तुत गरेका थिए । 
भेलामा ज्येष्ठ शेयर सदस्य विष्णुमाया तितुङ, कान्छीमाया घिसिङ, ज्ञानीमाया स्याङतान, साईलीमाया तितुङ, मिनकुमारी विक, नियमित बचतमा  सोमी महिला समूह, ज्योति महिला समूह, आरुबारी महिला समूह र बंशगोपाल महिला समूहलाई पुरस्कृत गरिएको थियो । यसैगरी उज्ज्वल बाल समूह, प्रिति बाल समूह, असली कारोवारी तर्फ निउरीमाया लो, काइलीमाया घलान, सुनमाया डिमडुङ र शान्तिमाया हेम्जनलाई समेत पुरस्कृत गरिएको थियो । 
भेलामा भीमफेदी गाउँपालिकाकी उपाध्यक्ष पार्वती राना, मकवानपुरगढी–२ का वडा अध्यक्ष बखान सिह पाख्रिन, मकवानपुर जिल्ला बचत तथा ऋण सहकारी संघकी सचिव कल्पना श्रेष्ठ, ग्रामीण महिला सेवा केन्द्रकी सचिव अचला शर्मा, चन्द्र सूर्य बचत तथा ऋण सहकारीका अध्यक्ष गोपालप्रसाद गौतम, शेयर सदस्य पविमाया खडकाले मन्तव्य व्यक्त गरेका थिए । 
साधारणसभा मकवानपुरगढी गाउँपालिकाका अध्यक्ष विदुर हुमागाईको प्रमुख आतिथ्यता एवम सहकारीकी अध्यक्ष तेजकुमारी अस्थानीको अध्यक्षतामा भएको थियो । २०५५ सालमा स्थापना भएको सहकारीमा हाल १ हजार २ सय ६ जना शेयर सदस्यहरु आवद्ध रहेका छन ।