अशोक बाटिकाको कारोबार ४ करोड

२८ भदौ, हेटौँडा । हेटौँडा–१७ मा रहेको अशोक बाटिका बचत तथा ऋण सहकारी संस्थाले एक बर्षमा ४ करोड रुपैँया कारोबार गरेको छ ।
संस्थाको शनिबार सम्पन्न भएको १४ औं बार्षिक साधारणसभामा लेखा समितिको प्रतिवेदन प्रस्तुत गर्दै संयोजक पार्वति ढकालले संस्थाले शेयर पूँजी ५८ लाख ५० हजार, निक्षेप ३ करोड ७ लाख, जगेडा कोष ८ लाख, अन्य कोष ९ लाख रहेको जानकारी गराएकी थिईन् ।
भेलामा संस्थाका अध्यक्ष योगनाथ दंगालले संस्थागत प्रतिवेदन, सचिव सागरनाथ बास्तोलाले प्रगति प्रतिवेदन, व्यवस्थापक खिलप्रसाद पौडेलले आर्थिक प्रतिवेदन, ऋण उपसमितिका संयोजक भरतप्रसाद गौतमले ऋण उपसमितिको प्रतिवेदन, शिक्षा उपसमितिका संयोजक लेखनाथ ढकालले शिक्षा उपसमितिको प्रतिवेदन र महिला सशक्तिकरण उपसमितिकी संयोजक मिना घिमिरेले महिला उपसमितिको प्रतिवेदन प्रस्तुत गरेका थिए ।
भेलामा असल बचतकर्तातर्फ घमनाथ तिमल्सिना र सरस्वति कार्की, असली कारोबारीतर्फ निर्मला महत र मिना चौलागाई, ज्येष्ठ शेयर सदस्यतर्फ कृष्णप्रसाद खतिवडा र रुद्रकुमारी गौतमलाई सम्मान गरिएको थियो । यसैगरी, लघुवित्त समूहतर्फ गैरीगाउँ लघुवित्त समूह र कलश लघुवित्त समूह, संचारकर्मी विजय पौडेल, उत्कृष्ट विद्यार्थीमा आरती राई, अनिषा सापकोटा, पूर्णिमा बजगाई, रञ्जन घोरासैनी र बाल बचततर्फ आकृति चौलागाईलाई समेत सम्मान गरिएको थियो ।
मकवानपुर जिल्ला बचत तथा ऋण सहकारी संघका कोषाध्यक्ष विजयबहादुर बस्नेतको प्रमुख आतिथ्यता एवं संस्थाका अध्यक्ष योगनाथ दंगालको सभाध्यक्षतामा भएको साधारणसभामा हेटौँडा–१७ का वडाअध्यक्ष भैरवबहादुर राई, नेफ्स्कुन मकवानपुर फिल्ड इन्चार्ज ज्योति महत, चिसापानी सहकारीका अध्यक्ष कृष्णप्रसाद सापकोटा, चेतनशिल दुग्ध उत्पादक सहकारी संघका अध्यक्ष महेश बजगाई, संस्थाका सल्लाहकार जयप्रकाश घिमिरे, शेयर सदस्य जुना बजगाई लगायतले मन्तव्य व्यक्त गरेका थिए ।