श्रमिक साना किसान सहकारीमा पुनः लम्साल

७ असोज, हेटौँडा । मकवानपुरगढी–३ मक्रान्चुलीमा रहेको श्रमिक साना किसान कृषि सहकारी संस्थाको अध्यक्षमा पुनः निर्मलाकुमारी लम्साल चयन हुन भएको छ । संस्थाको मंगलवार भएको सातौ वार्षिक साधारणसभाले लम्सालको अध्यक्षतामा ९ सदस्यीय नयाँ संचालक समिति सर्वसम्मत चयन गरेको हो । 
समितिको उपाध्यक्षमा मानकुमारी पाख्रिन सदस्यहरुमा संगिता घलान, सकुन्तला गिरी कुमारी गोङवा, मन्जुकुमारी गोले, सुजता आले र भुवनकुमारी तिमल्सिना चयन भएका छन । यसैगरी लेखा सुपरीवेक्षण समितिको संयोजकमा राधिका सापकोटा सदस्यहरुमा कल्पनाकुमारी गौतम र कृष्णमाया पाख्रिन सर्वसम्मत चयन भएका छन । 
साधारणसभामा संस्थाकी अध्यक्ष निर्मलाकुमारी लम्सालले संस्थागत प्रतिवेदन, लेखा सुपरीवेक्षण समितिकी संयोजक राधिका सापकोटाले लेखा समितिको प्रतिवेदन र उपाध्यक्ष मानकुमारी पाख्रिनले पशुधन वीमाको प्रतिवेदन प्रस्तुत गरेका थिए । 
भेलामा उत्कृष्ठ विद्यार्थी निलम पाख्रिन, अनिल घिमिरे, राजन पाख्रिन र सौगात दाहाल, उत्कृष्ठ ऋणीमा अनिसा भ्लोन, ठक्करकुमारी वजगाई, अन्जु थापा, शारदा दाहाल, सावित्री सापकोटा र सरस्वती गौतम,उत्कृष्ठ तरकारी खेती गर्ने निरमाया थोकर लगायतकालाई सम्मान गरिएको थियो ।  
मकवानपुर जिल्ला सहकारी संघका अध्यक्ष बद्रीप्रसाद लम्सालको प्रमुख आतिथ्यता एवम सहकारीकी अध्यक्ष निर्मलाकुमारी लम्सालको सभाध्यक्षतामा भेला भएको थियो । भेलामा मकवानपुरगढी गाउँपालिकाका प्रमुख प्रशासकीय अधिकृत भीम परियार, मकवानपुरगढी–३ का वडा अध्यक्ष भागवत घिमिरे, साना किसान लघुवित्त प्रमुख शेर बहादुर चौधरी, मकवानपुरगढी गाउँपालिका पशु शाखा प्रमुख सत्यनारायण शाह, मनकामना दुग्ध उत्पादक सहकारीका अध्यक्ष कृष्णप्रसाद दहाल, हिमाल महिला बहुउद्धेश्यीय सहकारीकी अध्यक्ष जानुका दाहाल, रानी सामुदायिक वनका अध्यक्ष कृष्ण विडारी,भानु मावि व्यवस्थापन समितिका अध्यक्ष खिलप्रसाद चौलागाई लगायतले मन्तव्य व्यक्त गरेका थिए । 
१ हजार ३ सय ४६ जना शेयर सदस्यहरुको रहेको यो संस्थाले ११ करोडको आर्थिक कारोवार गरेको संस्थाकी व्यवस्थापक गिता लम्सालले बताईन् ।