हेटौंडामा खाद्यान्नमा सहुलियत दर कायम (पसलको नामसहित)

७ असोज, हेटौंडा । हेटौंडामा दशैलाई लक्षित गरेर केही खाद्यान्नमा सहुलियत दर कायम गरिएको छ । हेटौँडा बजारका विभिन्न खाद्यान्न पसलमार्फत सहुलियत दरमा खाद्य सामग्री विक्रि हुने भएको हो ।
जिल्ला प्रशासन कार्यालय मकवानपुरले बडा दशैंको उपलक्ष्यमा सुपथ मूल्य पसल राख्नको लागि अनुरोध गरे अनुसार हेटौँडामा दशैं लक्षित सुपथ मूल्य पसल संचालन हुने भएको छ । मकवानपुर उद्योग वाणिज्य संघमा भदौ ३१ गते खाद्यान्न व्यवसायी संघ मकवानपुरका प्रतिनिधिसंग भएको छलफलपछि सहुलियत दर कायम गरी विक्रि गर्ने व्यवस्था मिलाएको संघका कार्यवाहक अध्यक्ष माधव न्यौपानेले जानकारी दिए ।
सहुलियत दर अन्तर्गत जिरा मन्सुली (स्टिम २५ किलो) प्रति बोरा रु. १६२५।–, जिरा मसिनो (स्टिम गोरखनाथ २५ किलो) प्रति बोरा रु. १५२५।–, १ नं सोना मन्सुली (३० किलो) प्रति बोरा रु. १२५०।–, स्टिम चिउरा (२० किलो) प्रति बोरा रु. १२००।–, स्टिम चिउरा (साधारण) (५ किलो) प्रति बोरा रु ३२५।–, धारा तोरी तेल (१० लिटर) प्रति कार्टुन रु. १९९०।– र सोयाबिन तेल (१० लिटर) प्रति कार्टुन रु. १३००।– को दरले उपलब्ध गराइने छ ।
घटस्थापना देखि पूर्णिमासम्म हेटौंडाका श्री वैद्यनाथ बाबा आलु प्याज भण्डार, हेटौंडा-२, प्रभाकरपथ, मणी खाद्यँन्न सेन्टर, हेटौंडा-२, प्रभाकर पथ, माहामती खाद्यान्न भण्डार, हेटौंडा-२, प्रभाकरपथ, माँ वैष्णव खाद्यान्न भण्डार, हेटौंडा-४, कान्तिराजपथ, स्मृति खाद्यान्न भण्डार, हेटौंडा-२, कान्तिराजपथ, माहाबीर किराना पसल, हेटौंडा-२, कान्तिराजपथ, जमादार स्टोर्स, हेटौंडा-२, कान्तिराजपथ, राधाकृष्ण खाद्यान्न भण्डार, हेटौंडा-२, कान्तिराजपथ, एच पि सप्लायर्स, हेटौंडा-२, कान्तिराजपथ, शिवशक्ति सप्लायर्स, हेटौंडा-२, मउवासंघ चोक र उत्सव सप्लायर्स, हेटौंडा-४, भुटनदेवी स्कुल रोड गरी ११ वटा पसलहरुबाट मात्र उक्त सहुलियत दररेटमा उपभोक्ताले खरिद गर्न सक्ने संघका सचिव तथा प्रवक्ता काब्यमणी अधिकारीले जानकारी गराएका छन् ।