चिसापानी सहकारी संस्थाको कारोवार ११ करोड

११ असोज, हेटौँडा । हेटौडा–१६ चिसापनीमा रहेको चिसापानी बचत तथा ऋण सहकारी संस्थाले आव ०७५/०७६ मा ११ करोड कारोवार गर्न सफल भएको छ ।
संस्थाको शनिवार सम्पन्न भएो दशौं वार्षिक साधारणसभामा आफनो प्रतिवेदन प्रस्तुत गर्दै संस्थाका कोषाध्यक्ष प्रलाद घिमिरेले संसथाले आव ०७५/०७६ मा संस्थाले ११ करोड कारोवार गर्न सफल भएको बताए ।
संस्थाले शेयर विक्रीबाट १९ लाख ६० हजार , निक्षेप संकलनबाट ४ करोड ७१ लाख , ऋण असुलीबाट २ करोड ९७ लाख, लगानीबाट व्याज ५७ लाख ६३ हजार आम्दानी गर्न सफल भएको छ । यसैगरी विलम्व शुल्कबाट २ लाख ७३ हजार , ऋण प्राप्त १ करोड ३९ लाख समेत समेत प्रतिवेदन उल्लेख गरिएको छ । संस्थाले चाले आवमा १२ करोड ९० लाखको कारोवार गर्ने लक्ष्य राखेको छ ।
साधारणसभामा संस्थाका अध्यक्ष कृष्णप्रसाद सापकोटाले संस्थागत प्रतिवेदन, लेखा सुपरिवेक्षण समितिका संयोजक गोविन्द दाहालले लेखा समितिको. प्रतिवेदन, ऋण उपसमितिका संयोजक श्रीकृष्ण आचार्यले ऋण समितिको प्रतिवेदन प्रस्तुत गरेका थिए ।
भेलामा ज्येष्ठ संस्थापकमा ध्रुवप्रसाद दुलाल र हरिप्रसाद खतिवडा, ज्येष्ठ शेयर सदस्यमा कृष्णप्रसाद अधिकारी, उत्कृष्ठ बचतकर्तामा सुनिता कार्की, उत्कृष्ठ ऋणीमा रोशन सिलवाल र दैनिक बचतकर्तामा नारायणलाल श्रेष्ठलाई पुरस्कृत गरिएको थियो । यसैगरी महिला आयआर्जनमा अशोकबाटिका आयआर्जन समूह, उत्कृष्ठ विद्यार्थीमा सामुदायिक विद्यालयतर्फ आयुष अधिकारी र सामुदायिक विद्यालयतर्फ अञ्जली बस्नेत र सुप्रिम दाहाललाई समेत पुरस्कृत गरिएको थियो ।
केन्द्रीय दुग्ध उत्पादक सहकारी संघका केन्द्रीय अध्यक्ष नारायणप्रसाद देवकोटाको प्रमुख आतिथ्यता एवम सहकारीका अध्यक्ष कृष्णप्रसाद सापकोटाको अध्यक्षतामा साधारणसभा भएको थियो । साधारणसभामा हेटौडा–१६ का वडा अध्यक्ष रामकृष्ण कोईराला, १७ का वडा अध्यक्ष भैरब बहादुर राई, सहकर्मी सहकारीका अध्यक्ष मदनकुमार दाहाल, चेतनशिल दुग्ध उत्पादक सहकारीका अध्यक्ष महेश बजगाई, सचिव महेश ढकाल, सल्लाहकार जयप्रकाश घिमिरे लगायतको उपस्थिति रहेको थियो ।