कामधेनु सहकारीद्वारा शुभकामना आदानप्रदान

१७ असोज, हेटौडा । विजयदशमी, दिपावली, नेपाल सम्वत र छठ पर्वको अवसरमा हेटौडा–६ चुच्चेखोलामा रहेको कामधेनु बहुउद्धेश्यीय सहकारी संस्थाले शुभकामना आदानप्रदान तथा चियापान कार्यक्रमको आयोजना गरेको छ । 
हेटौडा–६ का वडा अध्यक्ष अर्जुनप्रसाद चौलागाईको प्रमुख आतिथ्यता एवम सहकारीका अध्यक्ष गौरबकुमार पराजुलीको अध्यक्षतामा कार्यक्रम भएको हो । कार्यक्रममा सहभागीहरुले चाडपर्वलाई सभ्य र संस्कृतिको रक्षा हुने किसिमबाट मनाउनु पर्नेमा जोड दिएका थिए ।
कार्यक्रममा जनकल्याण बचत तथा ऋण सहकारीका अध्यक्ष हिमाल पौडेल, संस्थाका संस्थापक अध्यक्ष बासुदेव सापकोटा, सल्लाहकार उदय विडारी, नौलो विहानी कृषि सहकारीका उपाध्यक्ष भरत सापकोटा, टोल विकास संस्था नगर समन्वय समितिका सदस्य विष्णुप्रसाद ढुङगाना, ६ नंं वडा अध्यक्ष केशव धिताल, प्रगतिशिल महिला आपसी विकास संस्थाका सल्लाहकार प्रमेश पराजुली, चुच्चेखोला सामुदायिक वन उपभोक्ता बचत तथा ऋण सहकारीका व्यवस्थापक रिता गौतम, संस्थाका संचालक सदस्य गीता न्यौपाने, व्यवस्थापक भीमसेन पौडेल लगायतले मन्तव्य व्यक्त गरेका थिए । 
संस्थालाई सहयोग 
कार्यक्रममा संस्थाको भवन निर्माणको बाँकी काम सम्पन्न गर्न विभिन्न व्यक्तिहरुले आर्थिक सहयोग गरेका छन । हेटौडा–६ निवारी विष्णुप्रसाद ढुङगानाले ५ हजार ५ सय ५७, प्रहरी चौकी चौघडाका ईन्चार्ज डम्वर बहादुर केसीले २ हजार ५ सय २५ र हेटौडा–६ निवासी रिता गौतमले २ हजार ५ रुपैयाँ सहयोग गर्नु भएको छ । संस्थाले हेटौडा–६ चुच्चेखोलामा शेयर सदस्य, विभिन्न संघसंस्था र शुभचिन्तकहरुसंगको  सहयोगमा ३ कोठे पक्की भवन निर्माण गरेको छ ।