रक्षादेवी बचत समूहमा पुनः खतिवडा

१८ असोज, हेटौँडा । हेटौडा–६ चौघडामा रहेको रक्षादेवी बचत समूहको २१ औं वार्षिक साधारणसभा शनिवार सम्पन्न भएको छ । साधारणसभाको बन्द सत्रले पुनः तारानाथ खतिवडाको अध्यक्षतामा ७ सदस्यीय संचालक समिति सर्वसम्मत चयन गरेको छ ।
समूहको सचिवमा भीमसेन पौडेल, कोषाध्यक्षमा रामहरि चौलागाई र सदस्यहरुमा लक्ष्मी श्रेष्ठ, निर्मला राजवंशी, रामप्रसाद सापकोटा, योङप्रसाद न्यौपाने चयन भएका छन । यसैगरी निर्देशन समितिको संयोजकमा त्रिविक्रम मानन्धर, केशवप्रसाद संजेल, राजेन्द्रप्रसाद चौलागाई र तेजप्रसाद भट्टराई चयन भएका छन । 
भेलामा सचिव भीमसेन पौडेलले प्रगति प्रतिवेदन र कोषाध्यक्ष रामहरि चौलागाईले आर्थिक प्रतिवेदन प्रस्तुत गरेका थिए ।  जनकल्याण बचत तथा ऋण सहकारी संस्थाका अध्यक्ष हिमाल पौडेलको प्रमुख आतिथ्यता एवम समूहका अध्यक्ष तारानाथ खतिवडाको सभाध्यक्षतामा भेला सम्पन्न भएको थियो ।
भेलामा रानी सामुदायिक वन उपभोक्ता समूहका अध्यक्ष कृष्ण बिडारी, नौलो विहानी कृषि सहकारी संस्थाका अध्यक्ष राजेन्द्रप्रसाद चौलागाई, निर्देशन समितिका संयोजक त्रिविक्रम मानन्धर लगायतकाले शुभकामना मन्तव्य व्यक्त गरेका थिए । २०५५ सालमा स्थापित यो समूहले करीव २४ लाखको कारोवार गरेको समूहले जनाएको छ ।