उत्तरी मकवानपुरलाई प्रमुख पर्यटकिय क्षेत्र बनाउने राज्यमन्त्री बानियाँको उदघोष

१२ माघ, हेटौंडा । नेपाली काँग्रेस मकवानपुरका सभापति एवम् संस्कृति, पर्यटन तथा नागरिक उडड्यन राज्यमन्त्री इन्द्रबहादुर बानियाँले उत्तरी मकवानपुरलाई प्रमुख पर्यटकीय क्षेत्रको रुपमा विकास गर्ने उदघोष गरेेका छन् । उनले यसका लागि अाफुले काम थालिसकेको समेत दावि गरे ।
नेपाली काँग्रेस नामटार गाउँ कमिटिद्वारा बुधबार लामिडाँडामा गरेको स्वागत एवं पार्टी प्रवेश कार्यक्रममा बोल्दै राज्यमन्त्री बानियाँले नामटारलगायत मकवानपुरको उत्तरी क्षेत्र पर्यटकिय हिसावले धेरै संभावना बोकेको क्षेत्र भएकाले प्रमुख पर्यटकिय गन्तव्य बनाउन संभाव्यता अध्ययन गर्न चाँडै टोली खटाउने बताए ।
नेपाली काँग्रेस जनताको दुःखमा जहिल्यै साथ दिने पार्टी भएकाले तपाईहरुको भरोसालाई कहिल्यै टुट्न नदिने बचनबद्धता व्यक्त गरे । 
संसदमा निर्वाचनसम्बन्धी विधयक पास हुने भएकोले अब जेठभित्र जसरी पनि पहिलो निर्वाचन गर्नुपर्ने भएकाले सम्पूर्ण कार्यकर्ताहरु निर्वाचनको तयारीमा जुट्नसमेत आग्रह गरे ।
बुधबार स्वागत तथा पार्टी प्रवेश कार्यक्रममा एमाओवादी ४३, एमाले ३२ र अन्य १८ विभिन्न पार्टी परित्याग गरी ९३ जना काँग्रेसमा प्रवेश गरेका छन् ।
काँग्रेस नामटार गाउँ ईकाई कमिटिका सभापति रामकृष्ण थापाको सभाध्यक्षता तथा राज्यमन्त्री बानियाँको प्रमूख आथित्यतामा भएको कार्यक्रममा नेपाली काँग्रेस मकवानपुरका सचिव बुद्ध लामा, कोषाध्यक्ष गोपीलाल विश्वकर्मा, सल्लाहाकार रिता खनाल, ४ नम्बर क्षेत्रीय सभापति लोकबहादुर मुक्तान, भरत पराजुली, ईश्वर रुम्बा, मिरा स्याङतान, पवित्रा विक राजकुमार पुडासैनी लालबहादुर वाइबा, नवराज उप्रेती, विदुर थापा, नवराज वर्तौला, मानिकलाल मुक्तानलगायतले मन्तव्य व्यक्त गरेका थिए ।