अल्पाइनको भीमफेदीमा शाखा

१९ माघ, हेटौंडा । हेटौंडामा प्रधान कार्यालय रहेको अल्पाइन डेभलपमेन्ट बैंकले मकवानपुरको पुरानो सदरमुकाम भीमफेदीमा नयाँ शाखा शुभारम्भ संचालनमा ल्याएको छ । भीमफेदीमा बुधबार बैंकको  १५ औं शाखा बैंक संचालक समिति अध्यक्ष सुदर्शन प्रसाद अधिकारीले शुभारम्भ गरे ।

विगतमा संचालनमा रहेको राष्ट्रिय बाणिज्य बैंक भिमफेदीबाट स्थानान्तरण भए पछि त्यस भेगका स्थानीय बैंकिङ सेवाबाट बन्चित थिए । अल्पाइनले बैंक नभएका ग्रामिण क्षेत्रहरुमा आफ्नो शाखा बिस्तार गरि स-साना बचत, कर्जा, रेमिटान्स तथा विभिन्न बैंकिङ सेवाहरु प्रदान गदैं आएको अध्यक्ष अधिकारीले बताए । 
मकवानपुर, चितवन र काभ्रे जिल्लामा यस अघि १४ वटा शाखा संचालन गर्दै आएको बैंकको भिमफेदी शाखा समेत १५ वटा शाखा र २ वटा एक्सटेन्सन काउन्टर रहेका छन् । बैंकिङ सेवाबाट बन्चित भिमफेदीका सरकारी कार्यालय, व्यवसायी तथा सर्वसाधारणले अल्पाइनको शाखा स्थापना भएकोमा खुशी व्यक्त गरेका थिए ।

शाखा शुभारम्भको दिन १ सय १५ जनाले खाता खोलेका थिए भने ४५ लाख निक्षेप जम्मा भएको थियो । बैंकको २०७३ पौष मसान्त सम्म निक्षेप १ अर्ब ८५ करोड २८ लाख, कर्जा १ अर्ब ६७ करोड ६९ लाख र संचालन नाफा ५ करोड ५ लाख रूपैयाँ रहेको छ ।