जिल्ला बचत तथा ऋण सहकारी संघको अध्यक्षमा श्रेष्ठ विजयी

३० कार्तिक, हेटौंडा । जिल्ला बचत तथा ऋण सहकारी संघ मकवानपुरको अध्यक्षमा कल्पना श्रेष्ठ विजयी भएकी छिन् । संघको निर्वाचनबाट १५ मत अन्तरले श्रेष्ठ विजयी भएकी हुन् ।

निर्वाचन अधिकृत नारायणप्रसाद देवकोटाका अनुसार अध्यक्षमा कल्पना श्रेष्ठले ५० राजु गौतमले  ३५ मत ल्याएका छन् । उपाध्यक्षमा मिना चौरेलले ६० मत ल्याई विजयी भएकी छिन् भने प्रतिष्पर्धी लक्ष्मी मोक्तानले २४ मत ल्याएकी छिन् ।

सचिवमा ५१ मत ल्याई बिरेन्द्रप्रसाद ढुंगाना विजयी भएका छन् भने प्रतिष्पर्धी उद्घव लामिछानेले ३४ मत ल्याएका छन् । कोषाध्यक्षमा ५५ मत ल्याई विष्णुमाया लामा विजयी भएकी छिन् भने प्रतिष्पर्धी शर्मिला श्रेष्ठले २७ मत ल्याएकी छिन् ।
सहसचिवमा बिजयबहादुर बस्नेत निर्विरोध निर्वाचित भएका छन् । 
खुल्ला सदस्यमा हिमाल पौडेलले ४६ मत र जुना दंगालले ४७ मत ल्याई विजयी भएका छन् भने हरिमाया ढकालले ३५ र रमेशकुमार रानाले १६ मत ल्याएका छन् ।
पूर्वी क्षेत्र सदस्य सिताराम दाहाल, पश्चिमी क्षेत्र सदस्य शंकरप्रसाद कालाखेति, उत्तरी क्षेत्र समिति फणीन्द्रनाथ सुवेदी निर्विरोध भएका छन् । लेखा समिति संयोजक सुलोचना स्यांतान, सदस्यमा पुष्पराज पराजुली र सचिता भट्टराई निर्विरोध भएको निर्वाचन अधिकृत देवकोटाले बताए । संघको मतदाता ११० रहेकोमा ८६ मत खसेको थियोे ।