कालीखोलामा स्वच्छ दूध उत्पादन तालिम

३ मंसिर, हेटौँडा । केन्द्रीय दूग्ध उत्पादक सहकारी संघको आयोजना, प्रदेश ३ को पशुपन्छी तथा मत्स्य विकास निर्देशनालको सहयोग र कालीदेवी दुग्ध उत्पादक सहकारी संस्था गढी–४ कालीखोलाको व्यवस्थापनमा संचालित ४ दिने असल दूध उत्पादन अभ्यास सम्वन्धि व्यवस्थापन तालिम सोमवार सकिएको छ । 
तालिममा पशु विशेषज्ञ सत्य नारायण शाह, जर्नादन पोडेल, केन्द्रीय दुग्ध उत्पादक सहकारी संघका व्यवस्थापक मनोज लामिछाने, मकवानपुर जिल्ला दुग्ध उत्पादक सहकारी संघका व्यवस्थापक कुमारमणी दहाल, गोविन्द शर्मा लगायतकाले सहजीकरण गरेका थिए । तालिमले पशुपालन सम्वन्धि आफूलाई धेरै ज्ञान प्राप्त भएको सहभागि गौरी सुवेदीले बताईन । 
केन्द्रीय दुग्ध सहकारी संघका अध्यक्ष नारायणप्रसाद देवकोटाको प्रमुख आतिथ्यता एवम संस्थाका अध्यक्ष अर्जुन सापकोटाको अध्यक्षतामा भएको समापन कार्यक्रममा ३ नम्बर प्रदेश पशुपंक्षी तथा मत्स्य विकास निर्देशनालयका निमित्त निर्देशक डा. हरिकुमार रघु श्रेष्ठ, दुग्ध विकास संस्थान ३ नम्बर प्रदेशका बोर्ड निर्देशक डा. नारायण बहादुर श्रेष्ठ, मकवानपुरगढी ३ का वडा अध्यक्ष भागवत घिमिरे, मकवानपुर जिल्ला दुग्ध उत्पादक सहकारी संघका अध्यक्ष बासुदेव अधिकारी लगायतकाले मन्तव्य व्यक्त गरेका थिए ।
तालिममा ५५ जना दुग्ध उत्पादक किसानहरुको सहभागिता थियो ।