सप्तरेखी पशुपालन सहकारीको चौथो साधारणसभा सम्पन्न 

प्रभात तिमल्सिना

७ मँसिर, निजगढ। निजगढ नगरपालिका ७ मा रहेको सप्तरेखी महीला पशुपालन सहकारी संस्था लिमिटेडको चौथो वार्षिक साधारण सभा शनिबार सम्पन्न भएको छ । निजगढ नगर प्रमुख सुरेश कुमार खनालको प्रमुख अतिथि तथा नगर उप–प्रमुख लिलादेवी लामिछानेको विशिष्ट अतिथ्यतामा चौथो वार्षिक साधारण सभा सम्पन्न भएको छ । 

कार्यक्रममा बोल्दै  प्रमुख अतिथि खनालले यस संस्थाले उत्पादन क्षेत्रमा र पशुपालन क्षेत्रमा उल्लेख काम गर्न बाँकी रहेको भन्दै त्यस्ता विषयमा छलफल गर्न अनुरोध गरेका छन । साधारण सभामा संस्थाका अध्यक्ष सावित्री भारतीले प्रगति प्रतिवेदन प्रस्तुत गर्दै  हाल पशुपालन र कृषी कार्य गर्नको लागी संस्थाले विना धितो रु. एकलाख सम्म ऋण लगानी गर्दै आइरहेको र संस्थाबाट अन्य वैंकहरु समक्ष सहुलियत व्याज अनुदानमा कृषी ऋण लगानी गर्न छलफल भइरहेकोले आगामी दिनमा शेयर सदस्यहरुलाई कृषी कार्य गर्नको लागी रकमको अभाव नहुने बताएन । त्यसैगरी संस्थाको आर्थिक वर्ष २०७५÷०७६ को हिसाब लेखा परिक्षण प्रतिवेदन संस्थाको कोषाध्यक्ष वासुदेव तिमल्सिनाले प्रस्तुत  गरेका थिए । 

संस्थाका अध्यक्ष सावित्री भारतीको सभाध्यक्षतामा भएको कार्यक्रममा समाजसेवी महेशी कुंवर,उद्योग वाणिज्य संघका प्रतिनिधी रबी बर्तौला, निजगढ नगरपालिका पशु शाखा–प्रमुख युगल किशोर शाह लगायतले शुभकामना मन्तव्य व्यक्त गरेका थिए । उक्त सहकारी निजगढ नगरपालिकाको ७मा रहेको एकमात्र पशुपालक सहकारीको रुपमा काम गर्दै आइरहेको छ ।