१६ चैत, हेटौँडा । राजकुमार न्यौपाने मकवानपुर उद्योग बाणिज्य संघका अध्यक्ष हुन् । मकवानपुर उद्योग बाणिज्य संघ २०६२/०६३ को जनआन्दोलनको पक्षमा मैदानमै उत्रिएको एक संस्था । तर त्यही संस्थाको अध्यक्ष न्यौपाने पटक पटक विवादास्पद भाषण गर्ने गर्छन् । पछिल्लो विवादास्पद भाषण भने न्यौपानेले ३ दिन अघि दिएका छन्, कार्यक्रम थियो उपप्रधान एवं संघिय मामिला तथा स्थानीय विकास मन्त्री कमल थापाको स्वागत तथा सम्मान कार्यक्रम ।
कार्यक्रममा अध्यक्ष न्यौपानेले २५ मिटर सडक विस्तारको प्रसंग शुरु गरे । आफु सडक विस्तारको काम रोक्न धेरैतिर धाएको बताउँदै उनले कमल थापाकै पहलमा हेटौँडामा २५ मिटर सडक विस्तारको काम रोकिएको बताए । बाईपासको अवधारणा गृहजिल्लाबासी समेत रहेका थापाले नै स्विकारेको लगायतका अनेक फुँदा गाँसेर थापालाई फुर्क्याउने कोशिस गरे । मुसुमुसु हाँसिरहेका थापालाई फुर्क्याउने क्रममा हौसिएका न्यौपानेले अचानक कथाको पात्र बनिसकेका राजालाई सम्झिए । उनले राजा नहुँदा घरमा अभिभावक नभएजस्तो भयो भने । उनले थपे ‘राजा भईदिएका भए हामीले विन्तिपत्र त हाल्न पाउथ्यौं, सडक विस्तार रोक्न ।’ उनले २५ मिटर पीडितले कही जाँदा पनि सान्त्वना नपाएको भन्दै राजा भईदिएको भए समस्या समाधान हुने आशा व्यक्त गरे । उनले यस्तो अभिव्यक्ति दिईरहदा लोकतन्त्रका लागि मैदानमा उत्रिएको मकवानपुर उद्योग बाणिज्य संघको सभाहलमा केहीले ताली बजाईरहेका थिए र केही भने न्यौपानेको अभिव्यक्तिप्रति आश्चर्य मानिरहेका थिए । न्यौपानेको अभिव्यक्ति सुनेर कार्यक्रममा उपस्थित पत्रकार पनि मुखामुख गरिरहेका थिए । कार्यक्रम सकिएपछि न्यौपानेसँग प्रतिक्रिया लिंदा आफुले जहाँसुकै पनि राजा भईदिएको भए विन्तिपत्र हाल्न पाईने बताएको प्रतिक्रिया दिए । तर न्यौपानेले विभिन्न क्षेत्रमा बुझाएको ज्ञापनपत्रबारे चाही भुलेछन् ।
लोकतन्त्रको पक्षधर संस्थाको अध्यक्षले व्यक्तिगत अभिव्यक्ति दिएको कि संस्थागत भन्ने संचारकर्मीको जिज्ञासामा उनले यसलाई जसरी बुझ्दा पनि हुने जवाफ दिए । उनीसँगै रहेका मउवासंघका केही पदाधिकारीले भने न्यौपानेले आवेगमा आएर यस्तो अभिव्यक्ति दिएको भन्दै यसले संस्थाको गरिमामा आँच पुग्ने प्रतिक्रिया दिए ।
न्यौपानेको यो पहिलो विवादास्पद भाषण होइन, यसअघि न्यौपानेले पालुङमा पनि यस्तै विवादास्पद भाषण दिएका थिए । उनको भाषणले केहीबेर कार्यक्रमस्थलमा सन्नाटा छाएको थियो । थाहानगर उद्योग बाणिज्य संघले तत्कालीन भारतीय राजदुत रन्जित रे लाई गरेको स्वागत तथा सम्मान कार्यक्रममा न्यौपानेले विवादास्पद भाषण दिए । भारतको लामो नाकाबन्दीका कारण दुःख खेपेका नेपालीलाई थप पीडा हुने गरी उनले भारतको चाकडि भाषणमार्फत गरे ।
राजदूत रे लाई फुरुङ्ग पार्ने उद्देश्यले भाषण गरेका उनले भाषण गर्दै जाँदा आप्mनो पदिय मर्यादा र जनभावना नै विर्सिए । भाषणका क्रममा उनले भने–‘भारतके विना हाम् जि नही सक्ते......’ अर्थात भारतबिना हामी बाँच्न सक्दैनौं । यो र त्यसपछि एकोहोरो भारतको गुणगान गाईरहँदा त्यहाँ उपस्थित सहभागीमाझ उनी मकवानपुर उद्योग बाणिज्य संघको अध्यक्ष हुन कि भारतीय दुतावासको कर्मचारी छुट्टयाउन गाह्रो परेको अभिव्यक्त थियो । उनले कार्यक्रममा एक मगन्तेको शैलीमा एक दर्जन योजना भारतीय दुतावासलाई बनाई दिन आग्रह गरे । त्यसदिनको न्यौपानेको अभिव्यक्तिको विरोध केहीबेरमै सामाजिक सञ्जालमा सार्वजनिक भयो । त्यसमा पनि उनले चित्तबुझ्दो जवाफ दिएनन् ।
न्यौपानेले केही समयअघि मकवानपुरका तत्कालिन प्रमुख जिल्ला अधिकारी रामप्रसाद थपलियालाई सम्मान कार्यक्रम राखे । नाकाबन्दीको समयमा जनताले महंगी र अभावको मार खेपेका थिए र त्यसलाई सहज बनाउनु भन्दा व्यवसायीलाई कालोबजारीमा मद्धत गरेको आरोप प्रमुख जिल्ला अधिकारी थपलियालाई लागेको थियो । विरोधका बाबजुद सम्मान गर्न खोजेपछि केही व्यवसायीले कार्यक्रमस्थलमै अवरोध गरे । न्यौपानेले त्यसबेला पूर्वप्रधानमन्त्री रहेका नेकपा माओवादी केन्द्रका अध्यक्ष पुष्पकमल दाहाल सामु उद्योग बाणिज्य संघको साख नै घटाउने काम गरेको कार्यक्रममा व्यवसायीहरु बताईरहेका थिए ।
संस्थाको नेतृत्वले संस्थाको मूल मर्मलाई कहिल्यै विर्सन नहुने संघमै रहेका कार्यसमितिका पदाधिकारीहरु बताउँछन् । त्यसैले नेतृत्वले अभिव्यक्ति दिंदा ख्याल गर्नुपर्ने उनीहरुको धारणा छ । तर न्यौपाने आफुले गरेका सबै ठिक भन्ने स्वभावका रहेकाले उनको गतिविधिले संस्थाको प्रतिष्ठामा आँच आईरहेकाले आगामी दिनमा उनीमाथि प्रश्न उठाउने सोचमा ति पदाधिकारीहरु रहेका छन् । संघमा रहेका अग्रजले पनि उनको गलत कार्यमा औंला ठड्याउनुपर्ने उनीहरुको भनाई छ ।
७ जेठ, काठमाडौं। सोमबार बिहान ११ बजेका लागि बोलाइएको प्रतिनिधिसभाको बैठक १५ मिनेटका लागि स्थगन गरिएको छ। बैठक...
७ जेठ, पर्सा । पर्साका सीमानाका तीन दिन बन्द हुने भएका छन् । जिल्ला प्रशासन कार्यालय पर्साले जेठ १० देखि १२ गते...
७ जेठ,हेटौंडा । साताको दोस्रो दिन सोमबार नेपाली बजारमा सुनचाँदीको मूल्य वृद्धि भएको छ अघिल्लो दिनको तुलनामा सुन...
७ जेठ, हेटौंडा । प्रधानमन्त्री पुष्पकमल दाहालले विश्वासको मत लिने भएका छन् । प्रतिनिधि सभाको सोमबार बिहान ११...
७ जेठ, हेटौंडा । हाल नेपालमा स्थानीय वायु र पश्चिमी वायुको आंशिक प्रभाव रहेको छ। कोशी, मधेश, लुम्बिनी, ...
६ जेठ, हेटौंडा। मकवानपुर प्रहरीले चोरीको मोटरसाइकल सहित मोटरसाइकल चोरी गर्ने ६ जनालाई पक्राउ गरेको...
६ जेठ, काठमाडौं। सहकारी संस्था ठगीको विषय छानबिन गर्ने संसदीय समितिको कार्यादेश मा दलहरूबीच सहमति हुन नसक्दा...
६ जेठ, हेटौंडा। बागमती प्रदेशको आगामी आर्थिक वर्ष २०८१/०८२ को नीति तथा कार्यक्रम यही जेठ १४ गते प्रस्तुत हुने भएको...
६ जेठ ,हेटौंडा । साताको पहिलो दिन आइतबार नेपाली बजारमा सुनचाँदीको मूल्य वृद्धि भएको छ अघिल्लो दिनको तुलनामा...
२ जेठ, हेटौंडा । हेटौंडा-धरान चतरा सडक अन्तरगत बागमती गाउँपालिकामा बुधबार साँझ भएको सवारी दुर्घटनामा एकजनाको...
५ जेठ, हेटौंडा। कान्तिलोकपथ अन्तर्गत हेटौंडा-७ न्यूरेनीमा टाटा सिमो दुर्घटना भएको छ। भर्खरै प्राप्त जानकारी...
४ जेठ, काठमाडौं । मकवानपुरको मनहरी–६ स्थित चितवन राष्ट्रिय निकुञ्जमा हात्तिको आक्रमणबाट एकजनाको मृत्यु भएको छ...
२८ बैशाख, हेटौंडा । अश्लिल भिडियो सामाजिक सञ्जालमा हालेर श्रीमतीको चरित्रहत्या गरेको आरोपमा मकवानपुरका एक युवक...
५ जेठ, हेटौंडा। शनिबार बिहान कान्तिलोकपथमा अन्तर्गत मकवानपुरको बकैया-१२ मा भएको कार दुर्घटनामा घाईते भएका...
३ जेठ, हेटौंडा । मनहरी गाउँपालिकाको ३ वटा वडाका सीमान्तकृत र अतिविपन्न चेपाङ समुदायका एकल महिलाको लागि टुकी...
५ जेठ, हेटौंडा। नेपाली कांग्रेस हेटौंडा नगर कार्य समितिको बैठक शनिबार बसेको छ। नगर सभापति उत्सव इटेनीको...
२९ बैशाख, हेटौंडा। मकवानपुरको हेटौंडामा भतिजाले आफ्नै काकीलाई कैची प्रहार गर्दा काकी गम्भीर घाइते भएकी...
१ जेठ, हेटौंडा । नेपाली कांग्रेस मनहरी गाउँपालिकाको २ वटा वडामा मंगलबार अगुवा कार्यकर्ता भेला तथा छलफल गरेको छ...