परेवा भीर : एक अवसर

संप्रस पौडेल

परेवा भीर राक्सिराङ गाउँपालिकाको ४ र ५ नम्बर वडाको सीमानामा रहेको छ । सयौँ वर्षदेखि यही चट्टाने भीर हुँदै सामलतामल बोकी यात्रा गर्ने क्रम चलिरहेको छ । विशेषतः वर्षायाममा खोला ठुलो भैदिँदा भिरबाट नै गरिने कष्टकर यात्रा र मृत्युवरणसम्म भ‌एका घटनाले नै यसलाई सामान्य नठान्नुपर्ने हो ।

यस भीरमा पुल, मोटर बाटो आदिका सम्बन्धमा विभिन्न बहसहरू चले । नेता, कार्यकर्ता, मिडियाकर्मी र जनताहरूका आ(आफ्ना आवाजहरू मुखतरित भ‌ए । बाटोघाटो पुल नबन्ने भन्दै एक नेताले गरेको भाषणको चर्को विरोधमा अर्का नेताको आवाजले सदन तात्यो । मिडियाकर्मी र जनताहरू पनि सशक्त आवाज उठाइरहे ।

यी क्षेत्रको बारेमा धेरै जानकारी नभ‌ए पनि मेरो बसाई मनहरी ५ मा रहेकोले भावनात्मक हिसाबले नजिक महशुस गर्दछु । साथै सो क्षेत्रमा सामान्य पुल तथा बाटोको सट्टा शिशाको पुलको कल्पना सम्भव हुन सक्ने विश्वास गर्दछु । जसले देश विदेशका ठूलो संख्यामा पर्यटकलाई आमन्त्रित गर्न सक्छ । चीनले चालिसभन्दा बढी यस्ता पुलहरू बनाइसकेको छ भने शिशाको पुल निर्माणमा अग्रणी रहेको चीनको सहयोगमा नेपालले पनि सोही विकास गर्न सकिने आशा गर्न सकिन्छ ।यहाँ चीन, अमेरिका, क्यानडा, भारत लगायत देशहरूमा समेत रहेको शिशाको पुलको बारेमा केही जानकारीहरू उल्लेख गर्दछु ।

चीनको हुनान प्रान्तको ४३० मिटर लम्बाई रहेको झाङ्झियाजी शिशाको पुलले वर्षमा लाखौँ पर्यटक निम्त्याउने गरेको छ । जसको कूल लागत ३४ मिलियन डलर रहेको छ ।क्यानडाको ग्लासियर स्काइवाकले वर्षमा हजारौँ पर्यटकहरू भित्र्याउने गरेको छ । यसको कूल लागत २१ मिलियन डलर रहेको ।

अमेरिकाको ग्राण्ड क्यान्योन स्काइवाक, अमेरिका । ३० मिलियन डलर लागत रहेको ।७० वटा ७४७ बोइङको भार थेग्न सक्ने चीनको ब्रेभ मेन्स ब्रिज सिक्किमको पेलिङ स्काइवाक, जसले हजारौँ पर्यटकलाई बोकिरहेको छ ।सामान्य तुइन र झोलुङ्गे पुलविना कैयौँ मानिसहरूले जीवन जोगाउन सफल भैरहेको छ तर  एक पटक बनाइने मुलुककै नमुना पूलले हाम्रा साना गाउँघर पनि संसारमै चर्चित हुन सक्लान् । छिट्टै यस्ता विकास देख्न, सुन्न, हेर्न पाइयोस् । परेवाभीर स्काइवाकमा एउटा सेल्फी खिच्ने रहर पूरा हुने दिन नजिकियोस् ।