२५ मिटर विस्तार सम्वन्धमा

                      २०७४/३/२९

श्रीमान्/श्रीमती ज्यू
सम्बन्धित कार्यालय प्रमुख
हेटौडा, मकवानपुर

                      विषय : २५ मिटर विस्तार सम्वन्धमा

महोदय,
प्रस्तुत विषयमा म हजुर समक्ष के अनुरोध गर्न चाहन्छु भनेदेखि हिजो आज वढ्दै गएको हेटौडा वजारको मानव जनसंख्या, मोटरसाईकल र गाडिघोडा आदि इत्यादिको कारण दिनहु झेल्नु पर्ने जामले गर्दा हेटौँडा वजारको अवस्था अस्तव्यस्त भएको छ। हेटौडा वजार साथै हेटौडावासिको सुन्दर भविष्यको लागि पनि हेटौडा वजारको वाटो विस्तार आवश्यक छ ।

त्यस पश्चात हामीले के बुझ्न जरुरी छ भनेदेखि हेटौडा वजार मानव वस्तिको रुपमा विकसित भैसकेको अवस्थामा २५ मिटर वाटो विस्तारका क्रममा कयौ घरधनी जनताहरु सुकुम्वासी बन्ने कुरा पनि पक्कापक्कि छ । सस्तो लोकप्रियता कमाउनको लागि सवै जसो राजनितिक दलहरुले समय समयमा यो २५ मिटर विषयलाई लिएर प्रोपकाण्ड बनाएको हामि सबै पिडित माझ अवगतनै छ। कहिले वाइपासको प्रयोग हुन्छ भन्यौ त कहिले १५ मिटर मात्र भत्किन्छ ढुक्क हुनुस् जस्तो मौखिक आश्वसनको प्रलोभन देखाइयो तर व्यवहारमा परिवर्तित चाहि कहिले र कस्ले गर्ने ?

हामी आजको दिनसम्म पनि सर्वोच्च अदालतको फैसला र वकिल वापत भनेर लैजाने पारिश्रमिकको चलखेल गर्ने माफियाहरुबाट पिडित छौ । न त सडक विभागले सर्वोच्च अदालतले गरेको फैसलालाई मान्यता दिन्छ भन्ने कुरामा विश्वस्त हुन सकेका छौ न त रातको निन्द्राले नै पुर्ण ठाउ लिन सकेको अवस्था छ ।

केन्द्रका नेता देखि जिल्लाका नेता र विज्ञ भनौदाहरु सम्पुर्णको ढोका ढकढकाइयो सवैले आश्वासनवाहेक अरु केहि दिन सकेनन् । कहिलेसम्म हामि पिडित यसरी नै त्रासको जिन्दगि वाच्नुपर्ने हो थाह छैन । त्यसकारण माथि भनिएका सवै कुराहरुलाई ध्यानमा राखि २५ मिटर पिडित सुकुम्वासी नहुने गरी र हेटौडा वजारको स्वरुप पनि परिवर्तन हुने अनि आवश्यक सडक विस्तार पनि हुने निष्कर्षका साथ चाडो भन्दा चाडो विकास कार्य अघि बढाउन अनुरोध गर्दछु ।

निवेदक
विकेश लाल श्रेष्ठ
( २५ मिटर पिडित)