मकवानपुर गढी-५ मा रहेको जनहित सहकारीको अध्यक्षमा श्रीराम अर्जुन

२७ मंसिर, हेटौंडा । मकवानपुरगढी गाउँपालिका वडा नम्बर ५ मा रहेको जनहित स्वावलम्बन बचत तथा ऋण सहकारी संस्था लिको अध्यक्षमा श्रीराम अर्जुन दाहाल चयन भएका छन् । 
संस्थाको आज भएको  १५ औं साधारण सभा तथा छैटौं अधिवेशनबाट ४ वर्षको लागि दाहालको नेतृत्वमा नयाँ समिति चयन गरिएको हो ।
संस्थाको उपाध्यक्षमा खडानन्द न्यौपाने, कोषाध्यक्षमा केशरी माया लामा, सचिवमा दामोदर अधिकारी चयन भएका छन् । यस्तै सदस्यहरुमा सावित्री तिमल्सिना, श्याम प्रसाद ढुङ्गाना, सानु मायाँ थिङ, लक्ष्मी देवी दुलाल र यम प्रसाद आचार्य चयन भएका छन् ।
संस्थाका अध्यक्ष चण्डिका पौडेलको सभाध्यक्ष तथा वडा नम्बर ५ का वडा अध्यक्ष जीत बहादुर घिमिरेको प्रमुख अतिथ्यतामा भएको सभाले संस्थाको लेखा समितिको संयोजकमा चण्डिका पौडेल र सदस्यहरुमा जसोदा लम्साल गुणनिधि बजगाईलाई चयन गरेको छ ।
यसैगरी संस्थाले साधरण सभाको अवसरमा असल ऋणीतर्फ अर्जुन बहादुर रुम्बा र भीममाया थिङ, असल बचत कर्तामा अम्बिका तिमल्सिना र यम प्रसाद आचार्य, जेष्ठ शेयर सदस्यमा भीमकुमारी दुलाललाई सम्मान गरेको छ ।
कार्यक्रममा वडा सदस्य हिराबहादुर दोङ, संस्थापक अध्यक्ष गुणनिधि ढकाल, पुर्व अध्यक्ष थलनाथ घिमिरे, शिक्षक बलराम फुयाँल, समाजसेवी रामकुमार खड्का लगायतको अतिथ्यता रहेको थियो ।