मनहरी गाउँपालिका उपाध्यक्ष राजिनामा विवाद:मैले राजिनामा दिएको छैन, उपाध्यक्ष बिष्ट

१९ पुस, हेटौँडा । मकवानपुरको मनहरी गाउँपालिका उपाध्यक्ष मनिला बिष्टले पदबाट राजिनामा नदिएको बताएकि छिन। 

गाउँपालिकाका अध्यक्षले बिष्टले मंसिर २९ गते पदबाट दिएको राजिनामा गाउँपालिका अध्यक्ष एकराज उप्रेतीले स्वृकित गरैसंग आफ्नो बचाउको लागि  साझ ५ बजे हेटौँडामा गरेको पत्रकार सम्मेलनमा राजिनामा नदिएको बताएकि छिन।उनले कर्मचारी किर्ते हस्ताक्षर गरी  गाउँपालिकाका अध्यक्ष समक्ष बुझाएको  राजिनामा आफुले नदिएको बताएकि हुन। 

"मेरो पदयी अपमान गर्दै गाउँपालिका कर्मचारी डिल्लि रेग्मीले मलाई फसाएको हो,राजिनामा पत्र यथार्थ छैन,राजिनामा फेक हो"-बिष्टले भनिन्। फेक हस्ताक्षर गरी राजिनामा दिदै नदिएको बिषयमा सरासर फसाउन खोजिएको भन्दै  न्यायको लागि आफु न्यायलय जाने बिष्टले बताइन। 

तपाइ प्रति गरिएको व्यबहार नेकपा फुटको असर हो त भन्ने पत्रकार को प्रश्नमा उनले भनिन- म कुनै गुटमा छैन,न मैले गुटको राजनिति गरे न गाउँपालिकाका अध्यक्ष विरुद्ध बोल्दै हिडे,कर्मचारीको मिलेमतोमा किर्ते  हस्ताक्षर गरी फसाउनेकाम गरियो।

बिष्ट २०७४ को स्थानीय तहको निर्वाचनमा तत्कालीन नेकपा एमालेबाट गाउँपालिकाका उपाध्यक्षमा निर्वाचित भएकी थिइन्। उनको पदबाट दिएको राजिनामापत्र गाउँपालिका अध्यक्ष एकराज उप्रेतीले  स्वीकृत गरिसकेका छन्।