प्रशासनमा छलफलपछि युनिलिभरमा सहमति

२३ साउन, हेटौँडा । उद्योग तालाबन्दीको घोषणा गरेको बहुराष्ट्रिय कम्पनी युनिलिभर लिमिटेड र आन्दोलनरत मजदुरबीच आइतबार सहमति जुटेको छ । जिल्ला प्रशासन कार्यालय मकवानपुरमा छलफलपछि अपरान्ह सहमति जुटेको हो । 
सहमतिमा सामुहिक सौदावाजीमा आवासकोषको सन्दर्भमा भएको निर्णय कार्यान्वयन गर्ने, ७ कर्मचारीको निलम्बन फुकुवा गर्ने, सौदावाजी सहमतिको २ बर्षसम्म हड्ताल गर्ने, व्यवस्थापनले उद्योग सूचारु गर्ने निर्णय भएको छ । उद्योग व्यवस्थापनले आफुले गरेका सहमतिसम्बन्धी निर्णय ३० दिनभित्र कार्यान्वयन गर्ने भएको छ । प्रशासनको रोहवारमा उद्योग संघ, मकवानपुर उद्योग बाणिज्य संघ, ट्रेड युनियन र मजदुर प्रतिनिधिबीच छलफल भएको अन्तराष्ट्रिय ट्रेड युनियन महासंघ नेपाल आवद्ध जिल्ला परिषद मकवानपुरका संयोजक कुमार पौडेलले बताए ।

उद्योगकोतर्फबाट कारखाना संचालक तथा सप्लाई चेक प्रमुख अभिजित मुखोपाध्यायसहित तीनजना उपस्थित भएका थिए ।ले हस्ताक्षर गरी हेटौँडाको बसामाडिमा रहेको उद्योगको मूल गेटमा सूचना टाँसेर तालाबन्दी गर्ने घोषणा गरेपछि जिल्ला प्रशासनमा छलफल भएको थियो । जेठ १६ गते उद्योग व्यवस्थापन र श्रम सम्बन्ध समितिबीच भएको सहमति कार्यान्वयनको माग गर्दै कामदारहरु लालकृष्ण प्याकुरेल, जयराम धिताल, उद्धव पहाडी, चित्तबहादुर विक, राम सापकोटा, चन्द्रप्रसाद सापकोटा र रविबाबु मल्ल एक महिनादेखि धर्नामा थिए ।

व्यवस्थापनले उनीहरुलाई निलम्बन गरेपछि परिस्थितिले जटिल मोड लिएको थियो । उद्योगमा दुई सय आठ जना मजदुर कार्यरत छन् ।