आईपीएलः साविक विजेता मुम्बई बैंगलोरसँग पहिलो खेलमा पराजित

google

२८ चैत, हेटौंड । १४ औं संस्करणको इन्डियन प्रिमियर लिग (आईपीएल) को पहिलो खेलमा रोयल च्यालेन्जर्स बैंगलोरसंग मुम्बई इन्डियन्स २ विकेटले पराजित भएको छ ।
शुक्रबार राती आईपीएलको उद्घाटन खेलमा बैंगलोरले मुम्बईलाई २ विकेटले पराजित गरेको हो । मुम्बईले दिएको १ सय ६० रनको लक्ष्य बैंगलोरले २० ओभरमा ८ विकेट गुमाउँदै पुरा ग¥यो ।
बैंगलोरका लागि एवी डेवीलियर्सले सर्वाधिक ४८ रन बनाए । ग्लेन म्याक्सवेलले ३९, कप्तान विराट कोहली ३३, वासिङटन सुन्दर १०, रजत पटिदरले ८ र क्ले जेमसनले ४ रनको योगदान दिए ।
मुम्बईका लागि मार्को जेनसन र जसप्रित बुम्राहले समान दुई–दुई विकेट लिए । कुर्नाल पाण्डेय, ट्रेन्ट बोल्टले एक–एक विकेट लिए ।
यसअघि, पहिले ब्याटिङ गरेको मुम्बईले निर्धारित २० ओभरमा ९ विकेट गुमाउँदै १ सय ५९ रन जोडेको थियो । 
मुम्बईका क्रिस लिन अर्धशतक बनाउनबाट एक रनले चुकेका थिए । ४९ रन बनाएर खेल्ने क्रममा उनी वासिङटन सुन्दरको बलमा क्याच हुँदै पेभिलियन फर्किए । विकेटकिपर ब्याट्सम्यान इसान किशनले २८ रनको योगदान दिए । कप्तान रोहित शर्माले १९ रन जोडे । यस्तै सुर्यकुमाले २२, हार्दिक पाण्डेय १३, र किरोन पोलार्ड र कुर्नाल पाण्डेय समान ७–७ रन बनाए ।
बलिङतर्फ बैंगलोरका लागि हर्सल पटेलले सर्वाधिक पाँच विकेट लिए । उनले चार ओभरमा रन खर्चदै पाँच विकेट लिए। केली जेमसन र वासिङटन सुन्दरले एक एक विकेट लिए ।