ओलीले लिए प्रधानमन्त्रीको शपथ,मन्त्रिमण्डलमा पुरानै अनुहार

३१ बैशाख,हेटौंडा। केपी शर्मा ओलीले अल्पमत सरकारको प्रतिनिधित्व गर्दै पुन:प्रधानमन्त्रीको शपथ ग्रहण गरेका छन। 

बैशाख २७ गते सदनबाट विश्वासको मत लिन नसकेपछी ओली सरकार कामचलाउन बनेको थियो।त्यस लगत्तै राष्ट्रपति विद्यादेवी भण्डारीले सरकार गठनका लागि बहुमत पुर्याउन दलहरूलाई दिएको समयसिमामा बहुमत दाबी नपरेपछि राष्ट्रपति भण्डारीले बिहीबार बेलुका संविधानको धारा ७६ (३) बमोजिम एमाले संसदीय दलका नेता केपी शर्मा ओलीलाई पुन: प्रधानमन्त्री पदमा नियुक्त गरेकी हुन्।पुन:प्रधानमन्त्रीमा नियुक्त भएसँगै आज राष्ट्रपति कार्यालयमा पद तथा गोपनीयताको सपथ खाएका थिए। उनले शपथ खाएको एक महिना भित्र सदनबाट बहुमत जुटाउनु पर्नेछ। बहुमत पुर्याउन नसके फेरी ओली पदमुुक्त हुनेछन।

आफुले सपथ खाए लगत्तै मन्त्रिमण्डल विस्तार गरी नवनियुक्त मन्त्रीलाई सपथ खुवाएका छन।विस्तार गरिएको मन्त्रिमण्डलमा पुरानै मन्त्रिलाई दोहोर्याएका छन। 

           यस्तो छ ओलीको मन्त्रिमण्डल 

*ईश्वर पोखरेल,उप्रपधान तथा प्रधानमन्त्री कार्यालय

*रामबहादुर थापा बादल, गृह मन्त्रालय 

*टोपबहादुर रायमाझी, उर्जा मन्त्रालय 

*विष्णु पौडेल, अर्थ मन्त्रालय 

*प्रदिप ज्ञवाली, परराष्ट्र मन्त्रालय 

*हृदयेश त्रिपाठी, स्वास्थ्य तथा जनसंख्या मन्त्रालय 

*लेखराज भट्टर, उद्योग, बाणिज्य तथा आपूर्ति मन्त्रालय 

*कृष्णगोपाल श्रेष्ठ, शिक्षा मन्त्रालय 

*प्रभु साह, सहरी विकास मन्त्रालय 

*भानभुक्त ढकाल, पर्यटन मन्त्रालय 

*मणिचन्द्र थापा, खानेपानी मन्त्रालय 

*पद्मा अर्याल,कृषि मन्त्रालय 

*बसन्त नेम्वाङ, भौतिक पूर्वाधार तथा यातायात मन्त्रालय 

*गौरीशंकर चौधरी, श्रम, रोजगार मन्त्रालय 

*पार्वत गुरुङ, सञ्चार मन्त्रालय 

*शिवमाया तुम्बाहाम्फे, भूमि व्यवस्था, सहकारी तथा गरिबी निवारण मन्त्रालय 

*लिलानाथ श्रेष्ठ, कानून मन्त्रालय 

*गणेशसिंह ठगुन्ना, संघीय मामिला तथा सामान्य प्रशासन मन्त्रालय 

*प्रेमबहादुर आले, वन मन्त्रालय 

*जुलीकुमारी महतो, महिला, बालबालिका तथा ज्येष्ठ नागरिक मन्त्रालय 

*दावा लामा तामाङ, युवा तथा खेलकुद मन्त्रालय