कोरोना नियन्त्रणमा सरकारलाई गम्भीर हुन महासंघका अध्यक्ष पोखरेलको आग्रह

२ जेठ, हेटौंडा । नेपाल पत्रकार महासंघका अध्यक्ष बिपुल पोखरेलले कोरोना महामारीको नियन्त्रणमा सरकार गम्भीर हुनुपर्ने बताएका छन् ।
उनलेे कोरोना नियन्त्रणमा सरकारले सम्पूर्ण स्रोत साधनको परिचालन गर्नुपर्ने पनि बताएका छन् ।
अध्यक्ष पोखरेलले मुलुक कोरोना महामारीका कारण संकटग्रस्त अवस्थामा रहेकाले यसको नियन्त्रण गर्न सिंगो राज्य संयन्त्र एक भएर लाग्नुपर्ने बताए । उनले कोरोनाविरुद्ध राज्यको सबै क्षेत्र एकजुट भएर लड्नुपर्ने आवश्यकता औँल्याए ।
कोरोना रोकथाम तथा नियन्त्रणमा आवश्यक परे स्वास्थ्य संकटकाल घोषणा गर्न पनि उनले आग्रह गरे । यस्तै धेरै विकास बजेटहरु खर्च नभएर फ्रिज हुने विगतको परम्परा रहेको भन्दै उनले यस वर्ष विकास पूर्वाधारका लागि रकमान्तर हुने बजेट स्वास्थ्य क्षेत्रमा केन्द्रीत हुनुपर्नेमा जोड दिए ।
अध्यक्ष पोखरेलले महामारीको बखत पत्रकारिता क्षेत्रले जोखिम मोलेर सुचना प्रवाहको काम गरिरहेको भन्दै आगामी दिनमा पनि निरन्तर लाग्न अपिल गरे । प्रेस काउन्सिल र पत्रकार महासंघले जारी गरेको आचारसंहिता र कोभिड निर्देशिकालाई अनुशरण गर्न पनि आग्रह गरे ।
अध्यक्ष पोखरेलले कोरोना विरुद्धको खोपको सहज पहुँच पु¥याउन पनि सरकार सँग माग गरेका छन् ।