राष्ट्रियसभा उप-निर्वाचन:खिमलाल देवकोटा विजयी

६ जेठ, हेटौंडा । राष्ट्रियसभा सदस्यको उप–निर्वाचन अन्तर्गत आज भएको मतदानमा स्वतन्त्र उम्मेदवार खिमलाल देवकोटा विजयी भएका छन् । देवकोटा १ हजार ७४ मतभारले विजयी भएका हुन् ।

देवकोटाले ५हजार ८८ मतभार प्राप्त गरेका छन् भने उनका निकटम प्रतिष्पर्धी नेकपा एमालेका उम्मेदवार रामबहादुर थापाले ४ हजार १४ मतभार प्राप्त गरेका छन् । त्यस्तै नेमकिपाका उम्मेदवार कृष्णबहादुर तामाङले ९० मतभार प्राप्त गरेको निर्वाचन कार्यालयले जनाएको छ । स्थानिय तह अन्तर्गत २३३ मा देवकोटाले १२८ मत र थापाले १०३ मत पाएका छन् भने प्रदेशसभा अन्तरगत देवकोटाले ५८ मत, थापाले ४५ र तामाङले २ मत प्राप्त गरेका छन् । निर्वाचनमा प्रदेशसभा सदस्यको मतभार ४८ र स्थानीय तहका जनप्रतिनिधिको मतभार १८ रहेको छ । 

निर्वाचनमा ३ सय ४८ मतदाता रहेको निर्वाचनमा ९ जना मतदाता अनुपस्थित रहेका थिए भने एकजनाको मृत्यु भएको छ । राष्ट्रियसभा सदस्य थापाले दल परिवर्तन गरेपछि रिक्त पदमा थापा आफैं, स्वतन्त्र उम्मेदवार डा. खिमलाल देवकोटा र नेमकिपाका कृष्णबहादुर तामाङले उम्मेदवारी दिनु भएको थिए । निर्वाचनमा बागमती प्रदेशका १ सय १० सांसद र  १ सय १९ स्थानीय तहका प्रमुख र उपप्रमुख मतदाता रहेका छन् ।