मकवानपुरका प्रजिअ भन्छन-कोरोनाको 'चेन ब्रेक गर्न सबैको सहयोग आवश्यक

१७ जेठ,हेटौंडा। मकवानपुरका प्रमुख जिल्ला अधिकारी भरत मणि पाण्डेले जिल्लामा फैलिरहेको कोरोना भाइरसको संक्रमण न्यूनिकरणमा कोरोनाको चेन ब्रेक गर्न अपरिहार्य रहेको र त्यसका लागि सबैको सहयोग आवश्यक रहेको बताएका छन।  

सोमबार मकवानपुरका सञ्चारकर्मीहरूसँगको अन्तरक्रिया  कार्यक्रममा बोल्दै प्रजिअ पाण्डेले कोरोना नियन्त्रण र दोस्रो भेरिएन्टको कोरोनाको 'चेन ब्रेक' गर्न स्थानीय सरकार तथा जनप्रतिनिधि,सुरक्षाकर्मी,सञ्चारकर्मी,स्वास्थ्यकर्मी सहित सबै क्षेत्रका मानिसहरुको  सहयोग आवश्यक रहेको बताएका हुन। 

जारी निषेधाज्ञाका कारण निम्न आय भएका व्यक्ति र दैनिक व्यापार गरेरे जीविकोपार्जन गर्ने मानिसहरु समस्यामा परेको बताउदै कोरोना नियन्त्रणमा नेपाल सरकारको निर्णय बमोजिम आयआर्जनको क्षेत्र बन्द गर्न बाध्यात्मक अवस्था आएको स्पष्ट पारेका छन। 

"हेटौंडा नगरको वडा नम्बर २, ४ र ५ मा बढी संक्रमित भेटिएकोले हेटौंडा बजारको चार किल्लामा प्रवेश निषेध र पसल बन्द गर्नुपरेको बाध्यात्मक अवस्था आएको हो, खाद्यान्न पसल खोल्दा भिडभाड बढेको पाइएकोले पसल बन्द गरेका हौं तर उद्योग वाणिज्य संघको समन्वयभा फलफूल दुध बिक्री गर्न दिइएका छौ- प्रजिअ पाण्डेले भने। 

छलफलमा प्रजिअ पाण्डेले कोरोनाको संक्रमण दर र अवस्था हेरेर निषेधाज्ञालाई परिमार्जन गर्न सक्ने समेत बताए। 

बजारमा कालोबजारी बढेको छ नि भन्ने पत्रकारको प्रश्नमा प्रजिअ पाण्डेले कालोबजारी गर्ने६७ वटा पसलको अनुगमन समेत गरिएको र संक्रमण रोग ऐन अन्तर्गत मुद्दा दर्ता गरी ३ लाख ८० हजार रुपैयाँ जरिवाना तिराइएको बताए।  

छलफल कार्यक्रममा जिल्ला समन्वय समिति मकवानपुरका प्रमुख रघुनाथ खुलाल,जिल्ला प्रहरी कार्यालय मकवानपुरका प्रहरी उपरिक्षक सोमेन्द्र सिंह राठोरले निषेधाज्ञा कडाइ गर्न आ-आफ्नो क्षेत्रबाट चालिएको कदमको बारेमा अवगत गराएका थिए।