एमालेका ४ बाहेक सबै मन्त्री पदमुक्त, राजपाका १० जना मन्त्री

२१ जेठ, हेटौंडा । प्रधानमन्त्री केपी शर्मा ओलीले वर्तमान मन्त्रिपरिषदमा रहेका ४ जनाबाहेक सबै मन्त्रीलाई पदमुक्त गर्ने भएका छन् ।
अर्थमन्त्री विष्णु पौडेल, शिक्षामन्त्री कृष्णगोपाल श्रेष्ठ, कानूनमन्त्री लीलानाथ श्रेष्ठ र भौतिक पूर्वाधार मन्त्री वसन्त नेम्वाङबाहेकका सबै मन्त्रीलाई पदमुक्त हुने भएका छन् । प्रधानमन्त्री ओलीले अर्थमन्त्री पौडेललाई उपप्रधानमन्त्रीको जिम्मेवारी दिने बताइएको छ । 
यसैगरी मधेसवादी दल जनता समाजवादीको महन्थ ठाकुर पक्ष पनि आजै सरकारमा सहभागी हुँदै छ । जसपाको ठाकुर पक्ष राजेन्द्र महत्तोका नेतृत्वमा ८ मन्त्री र दुई राज्यमन्त्री सहित सरकारमा सहभागी हुने भएको हो । 
आज पुनर्गठन हुने मन्त्रीपरिषदका नयाँ मन्त्रीहरुलाई आठबजे सपथ ग्रहण गराउँने तयारी भएको प्रधानमन्त्री कार्यलय स्रोतले जनाएको छ । 
जसपाका तर्फबाट मन्त्री बन्नेहरुमा राजेन्द्र महतो उपप्रधानमन्त्री तथा सहरी विकास मन्त्री, शरद सिंह भण्डारी ऊर्जा तथा जलस्रोत मन्त्री, अनिल झा खानेपानी तथा सरसफाई मन्त्री, लक्ष्मणलाल कर्ण भूमि व्यवस्था तथा सहकारी मन्त्री र बिमल श्रीवास्तवले श्रम तथा रोजगार मन्त्री बन्ने भएका छन् । 
यसैगरी उमाशंकर अरगरिया वन तथा वातावरण मन्त्री, चन्दा चौधरी महिला तथा बालबालिका मन्त्री एकवाल मियाँ युवा तथा खेलकूद मन्त्री, चन्द्रकान्त चौधरी ऊर्जा राज्यमन्त्री र रेणुका गुरुङ महिला बालबालिका राज्यमन्त्री बन्ने पक्का भएको छ ।