बागमती प्रदेश सदस्य बैद्यले गरेआत्मालोचना(विज्ञप्ति सहित)

२९ जेठ, हेटौंडा। नेपाली कांग्रेसका प्रदेशसभा सदस्य नरोत्तम वैद्यले बागमती प्रदेशसभा बैठकमा आत्मालोचना गरेका छन् ।

शनिबारको प्रदेशसभा बैठकको सुरूमा बोल्दै  सासंद बैद्यले शुक्रबार संसदमा प्रस्तुत नीति तथा कार्यक्रमको छलफल बैठकमा बोलेका कुराप्रति लिखित रुपमा आत्मालोचना गरेका छन्। 

उनले आफुले बोलेको कुराले सामाजिक सञ्जालमा क्रियाप्रतिक्रिया धेरै भएको र  आफूलाई लागेको कुरा संसदमा निर्धक्क बोल्न पाउने,पूर्ण वाक् स्वतन्त्रता हुने, मुद्दामामिला,कारवाही नहुने प्रावधान रहेकोमा सार्वभौम संसदमा आफूलाई लागेको कुरा दिल खोलेर बोल्न पाइने भएकोले स्वतन्त्रताको बढी उपयोग गरेर बोलेकोमा पार्टीको समेत ध्यानाकर्षण भएकोले,पार्टीले आत्मालोचना गर्न निर्देशन दिएकाले गल्ती महसुस गर्दै आत्मालोचना गरेको बताए।

"प्रधानमन्त्रीज्यूप्रति मेरो व्यक्तिगत रिसइबीको कुरा होइन,मैले असाध्यै आवेगमा आएर आवश्यकता भन्दा बढी नै स्वतन्त्रता उपभोग गरेको अनुभुति भयो, आफ्नो अभिव्यक्ति फिर्ता लिँदै प्रदेशसभाको रेकर्डबाट हटाउन अनुरोध गर्दछु "-बैद्यले भने। 

शुक्रबारको प्रदेशसभा बैठकमा प्रधानमन्त्री केपी शर्मा ओलीले देश खाइदिने भएकाले आफू नाथुराम गोड्से जस्तो व्यक्ति आवश्यक रहेको बताएका थिए।उनको अभिव्यक्तिमा कांग्रेस प्रवक्ता विश्व प्रकाश शर्मा र कांग्रेस बागमती प्रदेश संसदीय दलका नेता ईन्द्र बहादुर बानियाँले बैद्यलाई आत्मालोचना गर्न भनेका थिए।